Termat dhe Kushtet e Përdorimit të Platformës VrapOn Taxi

Hyrë në fuqi në datën 01.03.2023
Përditësuar në datën 06.08.2026

KAPITULLI I — DISPOZITA TË PËRGJITHSHME

Neni 1 — Qëllimi

1.1. Këto Terma dhe Kushte ("Termat") rregullojnë marrëdhënien juridike ndërmjet Upfront Albania sh.p.k., operatorit të platformës digjitale VrapOn Taxi ("VrapOn", "Platforma", "Shoqëria"), dhe çdo personi fizik ose juridik që përdor aplikacionin mobile, faqen zyrtare ose shërbimet e ofruara nëpërmjet Platformës ("Përdoruesi", "Pasagjeri", "Klienti").

1.2. Duke krijuar një llogari, duke hyrë ose duke përdorur Platformën, Përdoruesi deklaron se:

• ka lexuar këto Terma;
• i kupton plotësisht;
• i pranon pa rezerva;
• angazhohet t'i respektojë gjatë gjithë përdorimit të Platformës.

1.3. Nëse Përdoruesi nuk pajtohet me këto Terma, ai nuk duhet të krijojë llogari ose të përdorë Platformën.

Neni 2 — Identiteti i Platformës

2.1. VrapOn është një platformë teknologjike që mundëson lidhjen ndërmjet: pasagjerëve; operatorëve të licencuar të taksive; shoferëve individual të licensuar.

2.2. VrapOn nuk është kompani transporti.

2.3. VrapOn nuk zotëron automjete taksi.

2.4. VrapOn nuk punëson shoferët që ofrojnë transport nëpërmjet Platformës, përveç rasteve kur kjo parashikohet shprehimisht në marrëveshje të veçanta.

2.5. Çdo shërbim transporti realizohet nga operatorë të licencuar sipas legjislacionit shqiptar.

2.6. Marrëveshja për transport lidhet ndërmjet pasagjerit dhe operatorit të licencuar, ndërsa VrapOn vepron si ndërmjetës teknologjik.

Neni 3 — Përkufizimet

Për qëllime të këtyre Termave:

Platforma nënkupton aplikacionin VrapOn Taxi App, faqen zyrtare dhe çdo sistem tjetër elektronik të administruar nga VrapOn.
Pasagjer është çdo përdorues që rezervon një udhëtim.
Shofer është personi i autorizuar nga një operator taksie për të ofruar transport.
Operator Taksie është subjekti juridik ose personi fizik i licencuar sipas legjislacionit shqiptar.
Rezervim është kërkesa e bërë nga Pasagjeri për kryerjen e një udhëtimi.
Udhëtim është transporti i realizuar nga pika e marrjes deri në destinacion.
Pagesë është çdo shumë e paguar përmes Platformës ose drejtpërdrejt shoferit.
Kartë Pagese nënkupton kartat Visa, Mastercard ose instrumente të tjera elektronike ndërmjetësuese të pranuara nga Platforma dhe legjislacioni shqiptar në fuqi për pagesat online.
Tarifë është çmimi i udhëtimit ose çdo tarifë shtesë sipas këtyre Termave.

Neni 4 — Fusha e Zbatimit

4.1. Këto Terma zbatohen për: aplikacionin VrapOn Taxi Albania; faqen www.vrapon.al; rezervimet online; pagesat elektronike; pagesat cash; shërbimet Business; çdo modul të ri që mund të shtohet në të ardhmen.

4.2. Nëse Platforma shton shërbime të reja (si makina me qira, shuttle, rezervime hotelesh, restorantesh, bileta avioni, autobusësh, tragetesh ose shërbime të tjera), këto Terma do të zbatohen edhe për to, përveç nëse publikohen kushte të veçanta.

Neni 5 — Pranimi Elektronik

5.1. Klikimi i butonit "Pranoj Termat dhe Kushtet" ka të njëjtën fuqi juridike si nënshkrimi fizik.

5.2. Përdoruesi pranon se dokumentet elektronike kanë vlefshmëri të plotë juridike sipas legjislacionit shqiptar.

Neni 6 — Ndryshimet e Termave

6.1. VrapOn rezervon të drejtën të ndryshojë këto Terma në çdo kohë.

6.2. Versioni më i fundit publikohet në faqen zyrtare dhe në aplikacion.

6.3. Vazhdimi i përdorimit të Platformës pas hyrjes në fuqi të ndryshimeve konsiderohet pranim i tyre.

Neni 7 — Kushtet për përdorimin e Platformës

Përdoruesi deklaron se:

• është të paktën 18 vjeç ose ka zotësi të plotë juridike;
• jep të dhëna të sakta;
• nuk do të përdorë identitet të rremë;
• nuk do të krijojë llogari të shumëfishta për mashtrim;
• nuk do të cenojë sigurinë e sistemit;
• nuk do të përdorë Platformën për aktivitete të paligjshme.

Neni 8 — Përparësia e Dokumenteve

Në rast mospërputhjeje ndërmjet: këtyre Termave; Politikës së Privatësisë; Politikës së Pagesave; Politikës së Rimbursimeve — do të zbatohen dokumentet sipas rendit të përcaktuar nga VrapOn, përveç rasteve kur ligji parashikon ndryshe.

KAPITULLI II — LLOGARIA E PËRDORUESIT, VERIFIKIMI DHE SIGURIA

Neni 9 — Krijimi i Llogarisë

9.1. Për të përdorur shërbimet e Platformës, Përdoruesi duhet të krijojë një llogari personale ("Llogaria").

9.2. Llogaria mund të krijohet nëpërmjet: aplikacionit VrapOn Taxi; faqes zyrtare të internetit, nëse kjo funksionalitet ofrohet; platformave të tjera të autorizuara nga VrapOn.

9.3. Gjatë regjistrimit, Përdoruesi duhet të japë të dhëna të sakta, të plota dhe të përditësuara, duke përfshirë, sipas rastit: emrin; numrin e telefonit; adresën e postës elektronike; të dhëna për mjetin e pagesës, nëse zgjidhet pagesa elektronike; çdo informacion tjetër që kërkohet për funksionimin e Platformës.

9.4. VrapOn rezervon të drejtën të kërkojë informacion shtesë ose dokumente verifikuese kur kjo është e nevojshme për sigurinë e Platformës, përmbushjen e detyrimeve ligjore ose parandalimin e mashtrimeve.

Neni 10 — Kushtet për Krijimin e Llogarisë

10.1. Përdoruesi deklaron dhe garanton se: ka zotësi të plotë juridike për të lidhur këtë marrëveshje; informacioni i dhënë është i vërtetë; nuk do të krijojë llogari në emër të një personi tjetër pa autorizim; nuk do të përdorë identitet të rremë.

10.2. VrapOn mund të refuzojë krijimin e një llogarie nëse ka arsye të besueshme për të dyshuar se informacioni i dhënë është i pasaktë, mashtrues ose në kundërshtim me ligjin.

Neni 11 — Verifikimi i Identitetit

11.1. Për arsye sigurie dhe përputhshmërie me legjislacionin në fuqi, VrapOn mund të kërkojë verifikimin e identitetit të Përdoruesit.

11.2. Procesi i verifikimit mund të përfshijë: verifikimin e numrit të telefonit nëpërmjet kodit OTP; verifikimin e adresës së email-it; verifikimin e dokumentit të identitetit, kur është e nevojshme; verifikimin e kartës së pagesës ose metodës së pagesës; kontrolle të tjera të arsyeshme për të parandaluar mashtrimet.

11.3. Në rast se Përdoruesi refuzon të përfundojë procesin e verifikimit, VrapOn mund të kufizojë ose pezullojë aksesin në disa ose të gjitha funksionalitetet e Platformës.

Neni 12 — Siguria e Llogarisë

12.1. Përdoruesi është përgjegjës për ruajtjen e konfidencialitetit të kredencialeve të llogarisë së tij.

12.2. Përdoruesi nuk duhet: të ndajë kodet OTP me persona të tretë; të lejojë përdorimin e llogarisë së tij nga persona të tjerë; të përdorë llogari që nuk i përket.

12.3. Çdo veprim i kryer përmes llogarisë konsiderohet i kryer nga vetë Përdoruesi, përveç rasteve kur ai njofton menjëherë VrapOn për një përdorim të paautorizuar.

12.4. Në rast dyshimi për komprometim të llogarisë, Përdoruesi duhet të: ndryshojë menjëherë fjalëkalimin (nëse përdoret); kontaktojë ekipin e suportit te VrapOn; bashkëpunojë gjatë procesit të verifikimit.

Neni 13 — Përdorimi Personal i Llogarisë

13.1. Llogaria është personale dhe nuk mund të shitet, transferohet, jepet me qira ose përdoret nga një person tjetër.

13.2. VrapOn nuk mban përgjegjësi për dëmet që rrjedhin nga përdorimi i paautorizuar i llogarisë për shkak të neglizhencës së Përdoruesit.

Neni 14 — Metodat e Pagesës

14.1. Përdoruesi mund të regjistrojë një ose më shumë metoda pagese në Platformë.

14.2. Përdoruesi garanton se: është pronari i ligjshëm i kartës ose ka autorizimin për ta përdorur atë; informacioni i kartës është i saktë; karta është e vlefshme.

14.3. VrapOn nuk ruan të dhënat e plota të kartave bankare. Pagesat përpunohen nga ofrues të licencuar të shërbimeve të pagesave në përputhje me standardet ndërkombëtare të sigurisë, sipas partnerëve të integruar nga Platforma.

14.4. Nëse një pagesë refuzohet, VrapOn mund të kërkojë një metodë tjetër pagese ose të kufizojë përdorimin e shërbimeve derisa detyrimi të shlyhet.

Neni 15 — Aktivitetet e Ndaluara

Përdoruesi nuk lejohet të: krijojë llogari të shumëfishta për të përfituar oferta ose promocione; përdorë karta pagese të vjedhura ose të paautorizuara; kryejë rezervime të rreme; përdorë aplikacione ose mjete për të manipuluar Platformën; cenojë sigurinë e sistemeve të VrapOn; ndërhyjë në funksionimin normal të aplikacionit; përdorë Platformën për aktivitete të paligjshme.

Neni 16 — Mashtrimet dhe Aktivitetet e Dyshimta

16.1. VrapOn përdor mekanizma teknikë dhe procedura për të identifikuar: transaksione të dyshimta; përdorim të paautorizuar të kartave; rezervime mashtruese; abuzime me kodet promocionale; krijim masiv të llogarive; manipulim të sistemit të vlerësimeve.

16.2. Në rast dyshimi të arsyeshëm për mashtrim, VrapOn mund të: pezullojë përkohësisht llogarinë; bllokojë pagesat ose rimbursimet derisa të përfundojë verifikimi; kërkojë dokumentacion shtesë; refuzojë transaksionet; mbyllë përfundimisht llogarinë; njoftojë autoritetet kompetente, kur kërkohet nga ligji.

Neni 17 — Pezullimi dhe Mbyllja e Llogarisë

17.1. VrapOn mund të pezullojë ose mbyllë llogarinë e Përdoruesit në rastet kur: shkel këto Terma; përdor metoda mashtruese pagese; kërcënon ose dhunon shoferët, punonjësit ose përdoruesit e tjerë; dëmton automjetet; kryen veprime të paligjshme; paraqet rrezik për sigurinë e Platformës.

17.2. Në rast pezullimi ose mbylljeje, VrapOn mund të anulojë rezervimet aktive dhe të kufizojë aksesin në shërbime.

17.3. Mbyllja e llogarisë nuk e liron Përdoruesin nga detyrimi për të paguar tarifat ose detyrimet e papaguara.

Neni 18 — Fshirja e Llogarisë

18.1. Përdoruesi mund të kërkojë fshirjen e llogarisë në çdo kohë, nëpërmjet aplikacionit ose duke kontaktuar shërbimin e suportit.

18.2. VrapOn mund të ruajë të dhëna të caktuara edhe pas fshirjes së llogarisë, kur kjo kërkohet nga legjislacioni në fuqi ose është e nevojshme për: mbrojtjen nga mashtrimet; zgjidhjen e mosmarrëveshjeve; përmbushjen e detyrimeve tatimore ose ligjore; ushtrimin ose mbrojtjen e të drejtave ligjore të Shoqërisë.

18.3. Fshirja e llogarisë nuk prek detyrimet e lindura përpara datës së fshirjes.

KAPITULLI III — REZERVIMI I UDHËTIMEVE DHE OFRIMI I SHËRBIMIT

Neni 19 — Natyra e Shërbimit

19.1. VrapOn është një platformë teknologjike që mundëson ndërmjetësimin e kërkesave për transport ndërmjet Pasagjerëve dhe Operatorëve të Taksive të licencuar.

19.2. VrapOn nuk është ofrues i drejtpërdrejtë i shërbimit të transportit, nuk zotëron automjete taksi dhe nuk garanton disponueshmërinë e vazhdueshme të një Shoferi.

19.3. Shërbimi i transportit kryhet nga Operatori i Taksisë përmes Shoferit të autorizuar, i cili mban përgjegjësinë për realizimin e udhëtimit në përputhje me legjislacionin në fuqi.

19.4. Marrëdhënia kontraktore për transportin krijohet ndërmjet Pasagjerit dhe Operatorit të Taksisë, ndërsa VrapOn ofron vetëm shërbimin e ndërmjetësimit teknologjik.

Neni 20 — Kërkesa për Udhëtim

20.1. Pasagjeri mund të paraqesë një kërkesë për udhëtim përmes Platformës duke përcaktuar: vendndodhjen e marrjes; destinacionin; llojin e shërbimit (nëse ofrohen kategori të ndryshme); metodën e pagesës; çdo informacion shtesë të nevojshëm.

20.2. Dërgimi i kërkesës nuk garanton automatikisht pranimin e saj nga një Shofer.

20.3. Kërkesa konsiderohet e pranuar vetëm pasi një Shofer e konfirmon atë në Platformë.

Neni 21 — Disponueshmëria e Shoferëve

21.1. Disponueshmëria e Shoferëve varet nga: vendndodhja; ora e ditës; kërkesa e tregut; kushtet atmosferike; trafiku; faktorë të tjerë jashtë kontrollit të VrapOn.

21.2. VrapOn nuk garanton se çdo kërkesë për udhëtim do të pranohet.

21.3. Në rast mungese të Shoferëve të disponueshëm, kërkesa mund të refuzohet automatikisht ose të anulohet.

Neni 22 — Informacioni mbi Shoferin

Pas pranimit të kërkesës, Platforma mund t'i shfaqë Pasagjerit: emrin e Shoferit; fotografinë (nëse është e disponueshme); markën dhe modelin e automjetit; targën; vlerësimin mesatar të Shoferit; kohën e parashikuar të mbërritjes. Ky informacion ofrohet vetëm për realizimin e udhëtimit dhe nuk lejohet të përdoret për qëllime të tjera.

Neni 23 — Mbërritja e Shoferit

23.1. Pasagjeri duhet të jetë në pikën e marrjes në kohën e caktuar.

23.2. Shoferi ka të drejtë të presë për një periudhë të arsyeshme kohe, sipas politikave operative të VrapOn.

23.3. Nëse Pasagjeri nuk paraqitet brenda afatit të pritjes: Shoferi mund të anulojë udhëtimin; mund të aplikohet tarifë "No Show"; udhëtimi konsiderohet i anuluar nga Pasagjeri.

Neni 24 — Verifikimi i Pasagjerit

Shoferi ka të drejtë të konfirmojë identitetin e Pasagjerit përmes: emrit; destinacionit; kodit të udhëtimit, nëse Platforma e ofron këtë funksionalitet. Kjo procedurë synon të shmangë hipjen e personave të gabuar.

Neni 25 — Gjatë Udhëtimit

Pasagjeri është i detyruar: të respektojë Shoferin; të mos ndërhyjë në drejtimin e automjetit; të përdorë rripin e sigurimit kur kërkohet; të mos konsumojë substanca të ndaluara; të mos dëmtojë automjetin; të mos pengojë realizimin normal të udhëtimit.

Neni 26 — Ndryshimi i Destinacionit

26.1. Pasagjeri mund të kërkojë ndryshimin e destinacionit gjatë udhëtimit.

26.2. Shoferi mund ta pranojë ose refuzojë këtë kërkesë nëse: krijon rrezik; bie ndesh me legjislacionin; e bën të pamundur realizimin e udhëtimit.

26.3. Ndryshimi i destinacionit mund të ndikojë në çmimin përfundimtar.

Neni 27 — Ndalesat Gjatë Udhëtimit

27.1. Platforma mund të lejojë shtimin e një ose më shumë ndalesave.

27.2. Koha e pritjes gjatë ndalesave mund të tarifohet sipas tarifave në fuqi.

27.3. Shoferi nuk është i detyruar të presë përtej kohës maksimale të përcaktuar nga politikat operative të VrapOn.

Neni 28 — Refuzimi i Udhëtimit

Shoferi mund të refuzojë fillimin ose vazhdimin e një udhëtimi nëse: Pasagjeri paraqet rrezik për sigurinë; është nën ndikimin e alkoolit ose substancave narkotike në një masë që cenon sigurinë; tenton të transportojë sende të ndaluara; tenton të transportojë mallra të rrezikshme; ushtron dhunë fizike ose verbale; refuzon të respektojë ligjin ose këto Terma. Në këto raste, VrapOn nuk mban përgjegjësi për mosrealizimin e udhëtimit.

Neni 29 — Transporti i Fëmijëve

29.1. Pasagjeri është përgjegjës për respektimin e kërkesave ligjore lidhur me transportin e të miturve.

29.2. Nëse ligji kërkon përdorimin e një ndenjëseje për fëmijë, sigurimi i saj është përgjegjësi e Pasagjerit, përveç rasteve kur Platforma ofron një shërbim të posaçëm.

29.3. Shoferi mund të refuzojë udhëtimin nëse kushtet ligjore për transportin e fëmijëve nuk plotësohen.

Neni 30 — Bagazhet

30.1. Pasagjeri duhet të deklarojë paraprakisht, kur është e mundur, bagazhe të pazakonta ose me përmasa të mëdha.

30.2. Shoferi mund të refuzojë transportin e bagazheve që: nuk futen në automjet; rrezikojnë sigurinë; janë të ndaluara me ligj; mund të shkaktojnë dëmtime.

30.3. VrapOn nuk garanton disponueshmërinë e automjeteve me kapacitet të veçantë për bagazhe.

Neni 31 — Kafshët Shtëpiake

31.1. Transporti i kafshëve lejohet vetëm nëse: respektohen kërkesat ligjore; kafsha nuk paraqet rrezik; Shoferi pranon transportin.

31.2. Kafshët duhet të transportohen në mënyrë të sigurt dhe higjienike.

31.3. Në rast dëmtimi ose ndotjeje të automjetit, Pasagjeri mund të jetë përgjegjës për kostot përkatëse.

Neni 32 — Dëmtimi i Automjetit

32.1. Pasagjeri mban përgjegjësi për çdo dëm të shkaktuar me dashje ose nga pakujdesia ndaj automjetit.

32.2. VrapOn mund të ndërmjetësojë komunikimin ndërmjet Operatorit të Taksisë dhe Pasagjerit për zgjidhjen e pretendimeve, pa marrë përsipër përgjegjësi për vetë dëmin.

Neni 33 — Përfundimi i Udhëtimit

33.1. Udhëtimi konsiderohet i përfunduar kur Shoferi e shënon si të tillë në Platformë ose kur Pasagjeri zbret në destinacion.

33.2. Pas përfundimit të udhëtimit, Platforma mund të lëshojë një faturë ose konfirmim elektronik që përmban informacionin bazë të udhëtimit dhe pagesës.

Neni 34 — Vlerësimet

34.1. Pasagjeri dhe Shoferi mund të vlerësojnë njëri-tjetrin pas përfundimit të udhëtimit.

34.2. Vlerësimet duhet të jenë të sinqerta, objektive dhe të mos përmbajnë gjuhë fyese, diskriminuese ose shpifëse.

34.3. VrapOn rezervon të drejtën të heqë ose të mos publikojë komente që shkelin këto Terma ose legjislacionin në fuqi.

KAPITULLI IV — ÇMIMET, TARIFAT, PAGESAT DHE RIMBURSIMET

Neni 35 — Përcaktimi i Çmimit të Udhëtimit

35.1. Çmimi i një udhëtimi përcaktohet në përputhje me politikat tarifore të VrapOn (Tarifat e miratuara nga Këshilli Bashkiak i secilit qytet) dhe mund të bazohet në një ose më shumë nga elementët e mëposhtëm: tarifa bazë; distanca e përshkuar; koha e udhëtimit; koha e pritjes; tarifa fikse për itinerare të caktuara; tarifa dinamike, kur është e aplikueshme; tarifa shtesë të parashikuara në këto Terma. Të gjitha pikat e mësipërme i referohen parashikimeve ligjore në fuqi mbi transportin dhe transportin me taksi.

35.2. Platforma mund t'i paraqesë Pasagjerit një çmim të vlerësuar përpara konfirmimit të rezervimit. Ky çmim është informues, përveç rasteve kur shprehimisht specifikohet si tarifë fikse.

35.3. Çmimi përfundimtar mund të ndryshojë nëse: destinacioni ndryshohet gjatë udhëtimit; shtohen ndalesa; aplikohet tarifë pritjeje; udhëtimi devijon për shkak të kërkesës së Pasagjerit; ndodhin ngjarje të jashtëzakonshme që ndikojnë në itinerar.

Neni 36 — Tarifat Fikse

36.1. Për itinerare të caktuara, VrapOn mund të ofrojë tarifa fikse, ku vlera reale e udhëtimit në bazë të taksimetrit do të mbulohet nga kompania.

36.2. Tarifa fikse mbetet e pandryshuar, përveç rasteve kur: Pasagjeri ndryshon destinacionin; shtohen ndalesa; ndryshohet në mënyrë të konsiderueshme itinerari me kërkesë të Pasagjerit.

36.3. Devijimet e diktuara nga trafiku, punimet në rrugë ose rrethanat e tjera të pavarura nga Shoferi nuk ndikojnë automatikisht në tarifën fikse, përveç rasteve kur politikat tarifore të VrapOn parashikojnë ndryshe.

Neni 37 — Tarifat Dinamike

37.1. Në periudha me kërkesë të lartë ose disponueshmëri të kufizuar të Shoferëve, VrapOn mund të aplikojë tarifa dinamike.

37.2. Çdo tarifë dinamike do t'i shfaqet Pasagjerit përpara konfirmimit të rezervimit.

37.3. Duke konfirmuar rezervimin, Pasagjeri pranon tarifën e shfaqur.

Neni 38 — Metodat e Pagesës

38.1. Platforma mund të mbështesë një ose më shumë nga metodat e mëposhtme të pagesës: pagesë në para (Cash); kartë debiti; kartë krediti; portofol elektronik (nëse ofrohet); metoda të tjera të autorizuara nga VrapOn.

38.2. VrapOn rezervon të drejtën të shtojë, kufizojë ose heqë metoda pagese në çdo kohë.

Neni 39 — Pagesat me Kartë

39.1. Duke regjistruar një kartë pagese në Platformë, Përdoruesi autorizon VrapOn ose ofruesin e shërbimeve të pagesave të debitojë kartën për: tarifën e udhëtimit; tarifën e anulimit; tarifën "No Show"; tarifa të tjera të parashikuara në këto Terma.

39.2. Debitime të caktuara mund të kryhen si paraautorizim për të verifikuar vlefshmërinë e kartës. Shuma e paraautorizuar nuk përbën pagesë përfundimtare dhe lirohet sipas procedurave të bankës lëshuese.

39.3. Nëse një pagesë refuzohet, VrapOn mund të kërkojë një metodë alternative pagese ose të kufizojë aksesin në shërbime deri në shlyerjen e detyrimit.

Neni 40 — Faturat Elektronike

40.1. Pas përfundimit të udhëtimit, Platforma mund të lëshojë një faturë ose konfirmim elektronik që përmban: datën dhe orën e udhëtimit; pikën e nisjes dhe destinacionin; tarifën e paguar; metodën e pagesës; çdo tarifë shtesë të aplikuar.

40.2. Fatura elektronike/konfirmimi elektronik shërben si provë e transaksionit, pa zëvendësuar dokumentet fiskale që lëshohen sipas legjislacionit në fuqi.

Neni 41 — Politika e Rimbursimeve

41.1. VrapOn shqyrton kërkesat për rimbursim në mënyrë individuale, duke marrë në konsideratë rrethanat konkrete të secilit rast.

41.2. Rimbursimi mund të miratohet, ndër të tjera, në rastet kur: është kryer një pagesë e dyfishtë për të njëjtin udhëtim; është realizuar një pagesë e paautorizuar; është evidentuar një gabim teknik i Platformës; është aplikuar një tarifë e pasaktë për shkak të një defekti të sistemit; udhëtimi nuk është realizuar për arsye që lidhen drejtpërdrejt me Platformën.

41.3. VrapOn mund të kërkojë dokumentacion ose informacion shtesë për të verifikuar kërkesën për rimbursim.

41.4. Miratimi i një rimbursimi nuk krijon precedent dhe nuk garanton miratimin e kërkesave të ngjashme në të ardhmen.

Neni 42 — Rastet Kur Nuk Kryhet Rimbursim

Rimbursimi nuk kryhet, ndër të tjera, kur: udhëtimi është realizuar sipas rezervimit; Pasagjeri ka ndryshuar mendim pas përfundimit të udhëtimit; udhëtimi është anuluar jashtë afatit të lejuar; është aplikuar në mënyrë të rregullt tarifa "No Show"; ndryshimi i çmimit është rezultat i ndryshimit të destinacionit ose shtimit të ndalesave; vonesa është shkaktuar nga trafiku, moti ose faktorë të tjerë jashtë kontrollit të VrapOn.

Neni 43 — Afati për Kërkesat e Rimbursimit

43.1. Kërkesat për rimbursim duhet të paraqiten brenda 30 (tridhjetë) ditëve kalendarike nga data e transaksionit, përveç nëse legjislacioni në fuqi parashikon një afat më të gjatë.

43.2. Kërkesat e paraqitura pas këtij afati mund të refuzohen.

Neni 44 — Mënyra dhe Koha e Rimbursimit

44.1. Nëse një kërkesë miratohet, rimbursimi kryhet, sipas rastit: në të njëjtën kartë pagese; në të njëjtën metodë pagese të përdorur fillimisht; në një mënyrë tjetër të rënë dakord me Përdoruesin, kur kjo është e mundur.

44.2. VrapOn do të procesojë dhe do të nisë kthimin e shumës së miratuar brenda 3-5 (tri deri në pesë) ditëve pune nga data e miratimit të kërkesës. Koha e reflektimit të shumës në llogarinë bankare të Përdoruesit pas nisjes së transferimit varet nga procedurat e bankës ose të ofruesit të shërbimeve të pagesave dhe nuk është nën kontrollin e VrapOn.

Neni 45 — Chargeback

45.1. Nëse Përdoruesi nis një procedurë chargeback pranë bankës ose lëshuesit të kartës, VrapOn ka të drejtë të paraqesë dokumentacionin përkatës për të mbrojtur vlefshmërinë e transaksionit.

45.2. Nëse chargeback rezulton i pabazuar ose abuziv, VrapOn mund të: kërkojë shlyerjen e detyrimit; pezullojë llogarinë; kufizojë përdorimin e Platformës; ndërmarrë veprimet ligjore të nevojshme.

Neni 46 — Mashtrimet Financiare

46.1. VrapOn rezervon të drejtën të pezullojë ose të refuzojë transaksione që konsiderohen të dyshimta.

46.2. Për qëllime sigurie, VrapOn mund të bashkëpunojë me: institucionet financiare; ofruesit e pagesave; autoritetet kompetente.

46.3. VrapOn mund të kërkojë dokumentacion shtesë për të verifikuar identitetin ose vlefshmërinë e një transaksioni.

Neni 47 — Përgjegjësia për Pagesat

47.1. Përdoruesi është përgjegjës të sigurojë që metoda e zgjedhur e pagesës është e vlefshme dhe ka fonde të mjaftueshme.

47.2. VrapOn nuk mban përgjegjësi për: refuzimin e një transaksioni nga banka; kufizimet e vendosura nga lëshuesi i kartës; vonesat në përpunimin e pagesave nga ofruesit e shërbimeve të pagesave; ndërprerjet e sistemeve bankare ose rrjeteve të pagesave.

Neni 48 — Korrigjimi i Gabimeve

48.1. Nëse VrapOn konstaton një gabim në tarifim, mund të korrigjojë transaksionin duke: rimbursuar shumën e tepërt; debituar shumën e mbetur, nëse tarifa e saktë nuk është mbledhur plotësisht, në përputhje me ligjin dhe me njoftimin përkatës.

48.2. Përdoruesi ka të drejtë të paraqesë kundërshtim për çdo korrigjim brenda afatit të përcaktuar nga VrapOn ose nga legjislacioni në fuqi.

KAPITULLI V — ANULIMET, TARIFAT "NO SHOW", SJELLJA E PËRDORUESVE DHE SENDET E HUMBURA

Neni 49 — E Drejta për Anulim

49.1. Pasagjeri ka të drejtë të anulojë një kërkesë për udhëtim në çdo kohë përpara përfundimit të saj, në përputhje me këto Terma dhe politikat operative të VrapOn.

49.2. Shoferi ka të drejtë të anulojë një kërkesë vetëm për arsye të arsyeshme, duke përfshirë, por pa u kufizuar në: pamundësi për të gjetur Pasagjerin; rrezik për sigurinë; sjellje të papërshtatshme të Pasagjerit; problem teknik ose mekanik me automjetin; rrethana të paparashikuara që pengojnë realizimin e udhëtimit.

49.3. VrapOn mund të anulojë një rezervim nëse kjo është e nevojshme për arsye sigurie, mashtrimi, force madhore ose shkeljeje të këtyre Termave.

Neni 50 — Tarifa e Anulimit

50.1. Nëse Pasagjeri anulon rezervimin pasi Shoferi ka pranuar kërkesën ose është nisur drejt pikës së marrjes, mund të aplikohet një tarifë anulimi.

50.2. Tarifa e anulimit synon të kompensojë kohën dhe kostot e Operatorit të Taksisë dhe Shoferit.

50.3. Madhësia e tarifës përcaktohet sipas politikave tarifore të VrapOn dhe mund të ndryshojë në varësi të: kohës së anulimit; distancës së përshkuar nga Shoferi; kohës së pritjes; kategorisë së shërbimit.

50.4. Tarifa e anulimit i komunikohet Pasagjerit në mënyrë transparente përpara konfirmimit të rezervimit ose në aplikacion.

Neni 51 — Tarifa "No Show"

51.1. Nëse Shoferi mbërrin në pikën e marrjes dhe Pasagjeri nuk paraqitet brenda kohës së pritjes të përcaktuar nga VrapOn, Shoferi mund të anulojë udhëtimin.

51.2. Në këtë rast, VrapOn mund të aplikojë një tarifë "No Show".

51.3. Tarifa "No Show" nuk përbën penalitet, por kompenson kohën dhe shpenzimet e Shoferit.

51.4. Tarifa "No Show" nuk rimbursohet, përveç rasteve kur provohet një gabim i Platformës ose rrethana të jashtëzakonshme të dokumentuara.

Neni 52 — Mosparaqitja e Shoferit

52.1. Nëse Shoferi nuk mbërrin në pikën e marrjes brenda një kohe të arsyeshme ose anulon pa arsye të justifikuar, Pasagjeri nuk do të tarifohet.

52.2. Në raste të përsëritura të mosparaqitjes së Shoferit, VrapOn mund të marrë masa administrative ndaj Operatorit të Taksisë ose Shoferit, në përputhje me marrëveshjet përkatëse.

Neni 53 — Sjellja e Pasagjerit

53.1. Pasagjeri është i detyruar të sillet në mënyrë të respektueshme ndaj Shoferit dhe përdoruesve të tjerë.

53.2. Ndalohet: përdorimi i gjuhës fyese ose kërcënuese; çdo formë diskriminimi; ngacmimi verbal ose fizik; dëmtimi i automjetit; ndotja e qëllimshme e automjetit; konsumimi i substancave të ndaluara; transportimi i sendeve të ndaluara me ligj.

53.3. Shkeljet e mësipërme mund të çojnë në pezullimin ose mbylljen e llogarisë së Pasagjerit dhe, kur është e nevojshme, në njoftimin e autoriteteve kompetente.

Neni 54 — Sjellja e Shoferit

54.1. Shoferi duhet të: trajtojë Pasagjerët me respekt dhe profesionalizëm; respektojë rregullat e qarkullimit rrugor; përdorë automjet të licencuar dhe në gjendje të mirë teknike; mos diskriminojë Pasagjerët; mos kërkojë pagesa jashtë tarifave të Platformës, përveç rasteve kur lejohet shprehimisht.

54.2. VrapOn mund të ndërmarrë masa ndaj Shoferëve që shkelin këto standarde, sipas marrëveshjeve të bashkëpunimit.

Neni 55 — Dëmtimi ose Ndotja e Automjetit

55.1. Nëse Pasagjeri shkakton dëmtim ose ndotje të konsiderueshme të automjetit, ai mund të jetë përgjegjës për kostot e arsyeshme të riparimit ose pastrimit.

55.2. Operatori i Taksisë duhet të paraqesë prova të mjaftueshme për dëmin e pretenduar, si fotografi, dokumentacion ose fatura.

55.3. VrapOn mund të lehtësojë komunikimin ndërmjet palëve, por nuk është palë në marrëdhënien e dëmshpërblimit dhe nuk garanton pagesën e pretendimeve.

Neni 56 — Sendet e Humbura

56.1. Pasagjeri është përgjegjës për kontrollimin e sendeve personale para se të largohet nga automjeti.

56.2. Nëse një send harrohet në automjet, Pasagjeri duhet të kontaktojë VrapOn sa më shpejt të jetë e mundur.

56.3. VrapOn do të përpiqet të ndërmjetësojë kontaktin me Shoferin ose Operatorin e Taksisë, por nuk garanton: gjetjen e sendit; ruajtjen e tij; kthimin e tij.

56.4. Përgjegjësia për sendet e humbura i takon pronarit të sendit dhe, sipas rastit, Operatorit të Taksisë, në përputhje me legjislacionin në fuqi.

Neni 57 — Transporti i Objekteve me Vlerë

57.1. Pasagjerët këshillohen të mos lënë pa mbikëqyrje sende me vlerë, duke përfshirë: para; bizhuteri; pajisje elektronike; dokumente identifikimi; pasaporta; karta bankare.

57.2. VrapOn nuk mban përgjegjësi për humbjen, dëmtimin ose vjedhjen e këtyre sendeve.

Neni 58 — Vlerësimet dhe Komentet

58.1. Pas përfundimit të udhëtimit, Pasagjeri dhe Shoferi mund të japin vlerësime dhe komente.

58.2. Vlerësimet duhet të jenë: të sakta; objektive; të bazuara në përvojën reale.

58.3. Ndalohet publikimi i komenteve që: janë fyese; shpifin; përmbajnë gjuhë urrejtjeje; zbulojnë të dhëna personale të palëve të tjera.

58.4. VrapOn rezervon të drejtën të moderojë ose të heqë komente që shkelin këto Terma ose legjislacionin në fuqi.

Neni 59 — Raportimi i Problemeve

59.1. Çdo pretendim në lidhje me një udhëtim duhet të paraqitet nëpërmjet kanaleve zyrtare të mbështetjes së VrapOn.

59.2. Përdoruesi duhet të japë informacion të plotë dhe të saktë për të lehtësuar shqyrtimin e kërkesës.

59.3. VrapOn do të shqyrtojë pretendimin brenda një afati të arsyeshëm dhe do të njoftojë Përdoruesin për rezultatin.

Neni 60 — Komunikimi Ndërmjet Palëve

60.1. Komunikimi ndërmjet Pasagjerit dhe Shoferit duhet të kufizohet në realizimin e udhëtimit.

60.2. Ndalohet përdorimi i të dhënave të kontaktit të marra përmes Platformës për: marketing të paautorizuar; ngacmim; komunikime jashtë qëllimit të udhëtimit; çdo qëllim tjetër që nuk lidhet me shërbimin.

60.3. VrapOn mund të monitorojë ose regjistrojë komunikimet e realizuara përmes funksioneve të Platformës (p.sh. thirrje ose mesazhe brenda aplikacionit ndërmjet Pasagjerit dhe Shoferit), kur kjo është e nevojshme për sigurinë, cilësinë e shërbimit, hetimin e ankesave ose përmbushjen e detyrimeve ligjore. Përdoruesi njoftohet për këtë mundësi që në momentin e krijimit të llogarisë dhe përpara fillimit të çdo thirrjeje ose bisede brenda aplikacionit, nëpërmjet një njoftimi të qartë në ndërfaqe. Regjistrimet ruhen për një periudhë maksimale 90 (nëntëdhjetë) ditë, përveç rasteve kur nevojiten më gjatë për hetimin e një ankese, mashtrimi ose procedure ligjore në vazhdim, dhe përpunohen në përputhje me Nenin 75-76 të këtyre Termave.

KAPITULLI VI — KUFIZIMI I PËRGJEGJËSISË DHE SHËRBIMET E PALËVE TË TRETA

Neni 61 — Roli i VrapOn

61.1. VrapOn është një platformë teknologjike që mundëson lidhjen ndërmjet Pasagjerëve dhe Operatorëve të Taksive të licencuar.

61.2. VrapOn nuk është operator transporti, nuk ofron drejtpërdrejt shërbimin e transportit dhe nuk është punëdhënësi i Shoferëve, përveç rasteve kur kjo parashikohet shprehimisht me marrëveshje të veçantë.

61.3. Përgjegjësia për realizimin e udhëtimit, sigurinë gjatë transportit dhe respektimin e legjislacionit për transportin publik i takon Operatorit të Taksisë dhe Shoferit.

61.4. VrapOn nuk garanton që çdo kërkesë për udhëtim do të pranohet ose që një Shofer do të jetë gjithmonë i disponueshëm.

Neni 62 — Kufizimi i Përgjegjësisë

62.1. Në masën e lejuar nga legjislacioni në fuqi, VrapOn nuk mban përgjegjësi për dëme ose humbje që rrjedhin nga: vonesat në mbërritjen e Shoferit; trafiku i rënduar; aksidentet rrugore; punimet në rrugë; kushtet atmosferike; fatkeqësitë natyrore; bllokimet e rrugëve; demonstratat, protestat ose ngjarje të tjera publike; ndërprerjet e rrjeteve të komunikimit; mosfunksionimi i sistemeve GPS; ndërprerjet e internetit; defektet e pajisjeve të Përdoruesit; ndërprerjet e sistemeve të pagesave.

62.2. VrapOn nuk garanton që Platforma do të jetë e disponueshme në çdo kohë ose pa ndërprerje.

Neni 63 — Humbja e Fluturimeve dhe Rezervimeve

63.1. Pasagjeri është përgjegjës të planifikojë udhëtimin duke marrë parasysh trafikun, kushtet atmosferike dhe faktorë të tjerë të paparashikueshëm.

63.2. VrapOn nuk mban përgjegjësi për humbjen ose vonesën e: fluturimeve; trenave; autobusëve; trageteve; rezervimeve në hotele; rezervimeve në restorante; takime pune; intervistave për punë; aktiviteteve ose eventeve të tjera.

63.3. Edhe në rast se Platforma shfaq një kohë të parashikuar mbërritjeje, kjo kohë është vetëm orientuese dhe nuk përbën garanci kontraktore.

Neni 64 — Shërbimet e Palëve të Treta

64.1. VrapOn mund të ofrojë ose të integrojë, tani ose në të ardhmen, akses në shërbime të ofruara nga palë të treta, duke përfshirë por pa u kufizuar në: hotele; restorante; bileta avioni; bileta autobusi; bileta trageti; makina me qira; shuttle; shërbime turistike; shërbime dorëzimi; pagesa të tjera elektronike.

64.2. Në këto raste, VrapOn vepron vetëm si ndërmjetës teknologjik dhe nuk është ofruesi i këtyre shërbimeve.

64.3. Marrëdhënia kontraktore krijohet drejtpërdrejt ndërmjet Përdoruesit dhe ofruesit përkatës të shërbimit.

64.4. Çdo pretendim për cilësinë, anulimin, rimbursimin, vonesën ose mosrealizimin e këtyre shërbimeve duhet t'i drejtohet ofruesit përkatës.

Neni 65 — Pagesat për Shërbime të Palëve të Treta

65.1. Nëse Platforma lehtëson pagesën për shërbime të palëve të treta, kjo nuk nënkupton që VrapOn është shitësi ose ofruesi i atij shërbimi.

65.2. VrapOn nuk mban përgjegjësi për: refuzimin e rezervimit nga pala e tretë; anulimin e rezervimit; ndryshimin e çmimeve nga ofruesi; cilësinë e shërbimit; moskthimin e pagesës nga ofruesi; çdo mosmarrëveshje ndërmjet Përdoruesit dhe ofruesit të shërbimit.

Neni 66 — Cilësia e Shërbimit të Transportit

66.1. VrapOn bashkëpunon vetëm me Operatorë të Taksive të licencuar.

66.2. Megjithatë, VrapOn nuk garanton cilësinë individuale të çdo udhëtimi, pasi shërbimi ofrohet nga Operatorë të pavarur.

66.3. Çdo pretendim për sjelljen e Shoferit ose gjendjen e automjetit do të shqyrtohet nga VrapOn dhe, sipas rastit, do t'i referohet Operatorit përkatës ose autoriteteve kompetente.

Neni 67 — Dëmet Indirekte

67.1. Në masën e lejuar nga ligji, VrapOn nuk mban përgjegjësi për: humbje fitimi; humbje biznesi; humbje të të ardhurave; humbje të mundësive tregtare; dëme reputacionale; dëme morale, përveç rasteve kur parashikohen ndryshe nga ligji; dëme të tërthorta ose pasuese.

Neni 68 — Forca Madhore

68.1. VrapOn nuk mban përgjegjësi për mosrealizimin ose vonesën në ofrimin e Platformës kur kjo shkaktohet nga rrethana jashtë kontrollit të arsyeshëm të Shoqërisë, duke përfshirë: tërmete; përmbytje; zjarre; pandemi; epidemi; luftë; akte terroriste; embargo; greva; ndërprerje masive të energjisë elektrike; sulme kibernetike në shkallë të gjerë; vendime të autoriteteve publike.

68.2. Gjatë ekzistencës së një rasti force madhore, detyrimet e VrapOn pezullohen për aq kohë sa zgjat pengesa.

Neni 69 — Kufizimi Maksimal i Përgjegjësisë

69.1. Në masën e lejuar nga ligji, përgjegjësia totale e VrapOn ndaj një Përdoruesi për çdo pretendim që lidhet me një udhëtim ose përdorimin e Platformës nuk do të tejkalojë shumën e tarifës së paguar për atë udhëtim, përveç rasteve kur legjislacioni në fuqi parashikon ndryshe.

69.2. Kufizimi i parashikuar në Nenin 69.1 NUK zbatohet dhe nuk kufizon apo përjashton përgjegjësinë e VrapOn në rastet e: (a) vdekjes ose dëmtimit trupor të shkaktuar nga neglizhenca e VrapOn; (b) dashjes (dolus) ose pakujdesisë së rëndë (culpa lata) nga ana e VrapOn; (c) çdo lloj përgjegjësie që sipas legjislacionit shqiptar në fuqi nuk mund të kufizohet ose përjashtohet me marrëveshje. Asgjë në këto Terma nuk kufizon ose përjashton përgjegjësinë e VrapOn në rastet kur një kufizim i tillë ndalohet nga ligji.

Neni 70 — Dëmshpërblimi (Indemnification)

70.1. Përdoruesi pranon të dëmshpërblejë dhe mbajë të padëmtuar VrapOn, administratorët, punonjësit dhe partnerët e saj nga çdo pretendim, humbje, kosto ose përgjegjësi që rrjedh nga: shkelja e këtyre Termave; përdorimi i paligjshëm i Platformës; shkelja e të drejtave të personave të tretë; përdorimi i paautorizuar i metodave të pagesës; veprime mashtruese ose të paligjshme të Përdoruesit.

70.2. Kjo dispozitë zbatohet në masën e lejuar nga legjislacioni shqiptar.

KAPITULLI VII — PRONËSIA INTELEKTUALE, MBROJTJA E TË DHËNAVE, LIGJI I ZBATUESHËM DHE DISPOZITAT PËRFUNDIMTARE

Neni 71 — Pronësia Intelektuale

71.1. Platforma VrapOn Taxi, aplikacioni mobil, faqja zyrtare, logoja, emri tregtar VrapOn, ndërfaqja grafike, dizajni, baza e të dhënave, kodi burimor (source code), kodi objekt (object code), algoritmet, dokumentacioni teknik, tekstet, grafikat, ikonat, fotografitë, videot, materialet audio, markat tregtare dhe çdo element tjetër i Platformës janë pronë ekskluzive e Upfront Albania sh.p.k.

71.2. Asnjë dispozitë e këtyre Termave nuk transferon te Përdoruesi ndonjë të drejtë pronësie intelektuale mbi Platformën ose elementët e saj.

71.3. Përdoruesit u jepet vetëm një licencë personale, e kufizuar, jo-ekskluzive, e patransferueshme dhe e revokueshme për përdorimin e Platformës në përputhje me këto Terma.

Neni 72 — Kufizimet e Licencës

Përdoruesi nuk lejohet të: kopjojë aplikacionin; modifikojë Platformën; dekompilojë ose kryejë reverse engineering; krijojë aplikacione të derivuara; shesë ose japë me qira Platformën; përdorë robotë ose sisteme automatike për nxjerrjen e të dhënave (scraping); përdorë API-të e Platformës pa autorizim; cenojë masat teknike të sigurisë. Çdo përdorim jashtë kësaj licence konsiderohet shkelje e të drejtave të pronësisë intelektuale.

Neni 73 — Marka Tregtare

73.1. Emri VrapOn, logoja dhe çdo markë tjetër e regjistruar ose e përdorur nga Shoqëria mbrohen sipas legjislacionit për pronësinë industriale.

73.2. Ndalohet përdorimi i tyre pa miratimin paraprak me shkrim të VrapOn.

Neni 74 — Përmbajtja e Krijuar nga Përdoruesit

74.1. Përdoruesit mund të publikojnë komente, vlerësime ose përmbajtje të tjera në Platformë.

74.2. Duke publikuar këtë përmbajtje, Përdoruesi i jep VrapOn një licencë jo-ekskluzive, pa pagesë, mbarëbotërore dhe të revokueshme për ta përdorur atë vetëm për: funksionimin e Platformës; përmirësimin e shërbimeve; moderimin; trajtimin e ankesave.

74.3. Përdoruesi garanton se përmbajtja e publikuar nuk shkel të drejtat e personave të tretë dhe nuk përmban materiale të paligjshme.

Neni 74A — E Drejta e Tërheqjes (Right of Withdrawal)

74A.1. Shërbimet e transportit të ofruara përmes Platformës përjashtohen nga e drejta e përgjithshme e tërheqjes prej 14 ditësh e parashikuar për kontratat në distancë, pasi ofrimi i shërbimit lidhet me një kohë ose datë të përcaktuar dhe realizohet menjëherë ose brenda një afati të shkurtër pas rezervimit, në përputhje me përjashtimet e parashikuara nga legjislacioni shqiptar për mbrojtjen e konsumatorëve për shërbimet e transportit të udhëtarëve.

74A.2. Kjo dispozitë nuk cenon të drejtat e tjera të Përdoruesit sipas Politikës së Rimbursimeve (Aneksi 3) për raste të mosrealizimit të udhëtimit, gabimeve teknike ose tarifimit të gabuar.

Neni 75 — Mbrojtja e të Dhënave Personale

75.1. VrapOn përpunon të dhënat personale në përputhje me legjislacionin shqiptar për mbrojtjen e të dhënave personale dhe, kur është e zbatueshme, me standardet e Rregullores së Përgjithshme për Mbrojtjen e të Dhënave (GDPR).

75.2. Përpunimi i të dhënave kryhet vetëm për qëllime të ligjshme dhe mbi bazat ligjore të mëposhtme:

• krijimi dhe administrimi i llogarisë — bazuar në ekzekutimin e kontratës me Përdoruesin;
• realizimi i rezervimeve dhe udhëtimeve — bazuar në ekzekutimin e kontratës;
• përpunimi i pagesave — bazuar në ekzekutimin e kontratës dhe përmbushjen e detyrimeve ligjore (fiskale, kontabël);
• mbështetja ndaj klientit — bazuar në interesin legjitim të VrapOn dhe ekzekutimin e kontratës;
• parandalimi i mashtrimeve dhe siguria e Platformës — bazuar në interesin legjitim të VrapOn;
• përmbushja e detyrimeve ligjore (tatimore, kontabël, raportim ndaj autoriteteve) — bazuar në detyrim ligjor;
• marketingu dhe komunikimet promocionale — bazuar në pëlqimin e Përdoruesit, kur kërkohet;
• përmirësimi i cilësisë së shërbimit dhe analiza statistikore — bazuar në interesin legjitim të VrapOn.

75.3. Periudha e ruajtjes së të dhënave:

• të dhënat e llogarisë dhe historikut të udhëtimeve ruhen për sa kohë llogaria është aktive dhe deri në 5 (pesë) vjet pas mbylljes së saj, për qëllime tatimore, kontabël dhe mbrojtje ligjore, në përputhje me afatet e parashkrimit sipas legjislacionit shqiptar;
• të dhënat e transaksioneve financiare dhe faturat ruhen për afatin e parashikuar nga legjislacioni tatimor shqiptar në fuqi;
• regjistrimet e komunikimeve (Neni 60.3) ruhen deri në 90 ditë, përveç rasteve kur nevojiten më gjatë për hetim ose procedurë ligjore;
• të dhëna të tjera që nuk janë më të nevojshme për qëllimet për të cilat janë mbledhur fshihen ose bëhen anonime, përveç kur ligji kërkon ruajtje më të gjatë.

75.4. Vendndodhja dhe transferimi i të dhënave: të dhënat personale të Përdoruesve ruhen dhe përpunohen në infrastrukturën cloud të Google Cloud, në qendra të dhënash të vendosura në Gjermani, brenda Bashkimit Europian. Për transferimin e të dhënave nga Shqipëria drejt Bashkimit Europian, VrapOn zbaton masa mbrojtëse të përshtatshme (duke përfshirë klauzola kontraktuale standarde dhe/ose njohjen e nivelit adekuat të mbrojtjes), në përputhje me legjislacionin shqiptar për mbrojtjen e të dhënave personale.

75.5. Person kontakti për mbrojtjen e të dhënave (DPO / Përgjegjës Privatësie): Përdoruesit mund të kontaktojnë VrapOn për çdo çështje që lidhet me mbrojtjen e të dhënave personale, ushtrimin e të drejtave sipas Nenit 76, ose raportimin e një shkeljeje të mundshme, në numrin e telefonit: +355 67 201 9470.

Neni 76 — Të Drejtat e Përdoruesit mbi të Dhënat Personale

Përdoruesi ka të drejtë të kërkojë: akses në të dhënat e tij personale; korrigjimin e të dhënave të pasakta; fshirjen e të dhënave, kur lejohet nga ligji; kufizimin e përpunimit; transferimin e të dhënave; kundërshtimin e përpunimit në rastet e parashikuara nga ligji. Kërkesat mund të paraqiten përmes kanaleve zyrtare të komunikimit të VrapOn ose në kontaktin e dhënë në Nenin 75.5.

Neni 77 — Cookies dhe Teknologjitë e Ngjashme

77.1. Platforma dhe faqja zyrtare mund të përdorin cookies dhe teknologji të ngjashme për: funksionimin teknik; ruajtjen e preferencave; analizën statistikore; përmirësimin e performancës; sigurinë e Platformës.

77.2. Informacione të detajuara jepen në Politikën e Cookies (Aneksi 1).

Neni 78 — Komunikimet Elektronike

78.1. Duke përdorur Platformën, Përdoruesi pranon të marrë komunikime elektronike nga VrapOn, duke përfshirë: konfirmime rezervimesh; fatura elektronike; njoftime sigurie; ndryshime të Termave; komunikime të lidhura me funksionimin e Platformës.

78.2. Komunikimet promocionale dërgohen vetëm në përputhje me preferencat e Përdoruesit dhe legjislacionin në fuqi.

Neni 79 — Ligji i Zbatueshëm

79.1. Këto Terma rregullohen dhe interpretohen sipas ligjeve të Republikës së Shqipërisë.

79.2. Nëse një dispozitë e këtyre Termave bie ndesh me një normë detyruese të ligjit, zbatohet norma ligjore dhe dispozitat e tjera mbeten në fuqi.

Neni 80 — Zgjidhja e Mosmarrëveshjeve

80.1. Palët do të përpiqen fillimisht të zgjidhin çdo mosmarrëveshje në mënyrë miqësore.

80.2. Përdoruesi mund të paraqesë një ankesë përmes kanaleve zyrtare të VrapOn.

80.3. VrapOn do të shqyrtojë ankesën dhe do të japë një përgjigje brenda një afati të arsyeshëm.

80.4. Nëse mosmarrëveshja nuk zgjidhet me mirëkuptim, ajo i nënshtrohet juridiksionit të gjykatave kompetente të Republikës së Shqipërisë, përveç nëse ligji parashikon ndryshe.

Neni 81 — Pavlefshmëria e Pjesshme

81.1. Nëse një dispozitë e këtyre Termave shpallet e pavlefshme ose e pazbatueshme nga një autoritet kompetent, dispozitat e tjera mbeten në fuqi.

81.2. Dispozita e pavlefshme zëvendësohet, kur është e mundur, me një dispozitë që i afrohet sa më shumë qëllimit ekonomik dhe juridik të saj.

Neni 82 — Transferimi i të Drejtave

82.1. VrapOn mund të transferojë të drejtat dhe detyrimet që burojnë nga këto Terma në kuadër të një riorganizimi, bashkimi, shitjeje ose transferimi të biznesit, në përputhje me ligjin.

82.2. Përdoruesi nuk mund të transferojë të drejtat ose detyrimet e tij pa miratimin paraprak me shkrim të VrapOn.

Neni 83 — Ndryshimet e Termave

83.1. VrapOn rezervon të drejtën të ndryshojë këto Terma në çdo kohë.

83.2. Versioni i përditësuar publikohet në faqen zyrtare dhe, kur është e përshtatshme, njoftohet edhe në aplikacion.

83.3. Vazhdimi i përdorimit të Platformës pas hyrjes në fuqi të ndryshimeve konsiderohet pranim i tyre.

Neni 84 — Hyrja në Fuqi

84.1. Këto Terma hyjnë në fuqi në datën e publikimit të tyre në faqen zyrtare të VrapOn ose në një datë tjetër të përcaktuar shprehimisht nga Shoqëria.

84.2. Këto Terma zëvendësojnë çdo version të mëparshëm të Termave dhe Kushteve të Përdorimit të Platformës VrapOn.

ANEKSI 1 — POLITIKA E COOKIES

KAPITULLI I — DISPOZITA TË PËRGJITHSHME

Neni 1 — Qëllimi

1.1. Kjo Politikë e Cookies ("Politika") shpjegon mënyrën se si Upfront Albania sh.p.k. ("VrapOn", "Shoqëria", "ne") përdor cookies dhe teknologji të ngjashme gjatë përdorimit të: aplikacionit VrapOn Taxi; faqes zyrtare www.vrapon.al; platformës VrapOn Business; çdo shërbimi tjetër elektronik të ofruar nga Shoqëria.

1.2. Politika synon të informojë përdoruesit mbi: llojet e cookies që përdoren; qëllimet e përdorimit; kohën e ruajtjes; mënyrën e menaxhimit të tyre; të drejtat e përdoruesve.

Neni 2 — Përkufizime

Cookie — Një skedar i vogël tekstual që ruhet në pajisjen e përdoruesit gjatë vizitës në një faqe interneti ose përdorimit të një platforme.
Session Cookie — Cookie që fshihet automatikisht kur përdoruesi mbyll shfletuesin ose përfundon sesionin.
Persistent Cookie — Cookie që ruhet në pajisje deri në datën e skadimit ose derisa përdoruesi ta fshijë.
First Party Cookie — Cookie e vendosur nga VrapOn.
Third Party Cookie — Cookie e vendosur nga një ofrues i jashtëm.

Neni 3 — Fusha e Zbatimit

Kjo Politikë zbatohet për: faqen www.vrapon.al; panelin VrapOn Business; faqet promocionale; formularët online; aplikacionet web; çdo platformë tjetër të administruar nga VrapOn. Në rastin e aplikacioneve mobile, teknologjitë ekuivalente (SDK, Local Storage, Device Identifiers etj.) trajtohen sipas të njëjtave parime.

Neni 4 — Pranimi

Duke përdorur faqen ose aplikacionin, përdoruesi pranon përdorimin e cookies sipas kësaj Politike, në masën që kërkohet nga ligji dhe zgjedhjet e tij të pëlqimit.

KAPITULLI II — LLOJET E COOKIES

Neni 5 — Cookies Thelbësore

Cookies thelbësore janë të domosdoshme për funksionimin e Platformës. Pa to nuk mund të realizohen funksione si: hyrja në llogari; rezervimi i taksisë; pagesat; siguria e sesionit; mbrojtja kundër sulmeve kibernetike; balancimi i ngarkesës së serverëve. Këto cookies nuk mund të çaktivizohen për sa kohë përdoret Platforma.

Neni 6 — Cookies të Performancës

VrapOn mund të përdorë cookies për të analizuar performancën e Platformës. Këto përfshijnë: kohën e ngarkimit të faqeve; gabimet teknike; statistikat e përdorimit; analizën e performancës së serverëve. Qëllimi është përmirësimi i cilësisë së shërbimit.

Neni 7 — Cookies Analitike

Cookies analitike ndihmojnë në kuptimin e mënyrës se si përdoruesit përdorin Platformën. Mund të mblidhen të dhëna si: faqet më të vizituara; koha e qëndrimit; klikimet; rrjedha e navigimit; pajisja e përdorur; sistemi operativ; shfletuesi. Këto të dhëna përdoren në mënyrë të agreguar dhe nuk synojnë identifikimin e drejtpërdrejtë të përdoruesit.

Neni 8 — Cookies të Funksionalitetit

Këto cookies lejojnë Platformën të mbajë mend preferencat e përdoruesit. Për shembull: gjuha; valuta; preferencat e hartës; preferencat e njoftimeve; vendndodhjet e ruajtura; mënyra e pagesës së preferuar.

Neni 9 — Cookies të Marketingut

Me pëlqimin e përdoruesit, VrapOn mund të përdorë cookies marketingu për: reklama të personalizuara; matjen e efektivitetit të fushatave; remarketing; analiza të konvertimeve. Këto cookies mund të vendosen nga partnerë të autorizuar.

KAPITULLI III — TEKNOLOGJITË E NGJASHME

Neni 10 — SDK

Në aplikacionet mobile, VrapOn mund të përdorë Software Development Kits (SDK) për: funksionimin e aplikacionit; njoftime Push; analizë të performancës; zbulimin e gabimeve; përmirësimin e sigurisë.

Neni 11 — Device Identifiers

Platforma mund të përdorë identifikues unikë të pajisjes si: Android Advertising ID; Apple Identifier for Advertisers (IDFA), kur lejohet; Firebase Installation ID; Device Token për njoftime Push.

Neni 12 — Local Storage

Platforma mund të ruajë të dhëna lokale për: preferencat e përdoruesit; sesionin aktiv; konfigurimet; cache teknike.

KAPITULLI IV — COOKIES TË PALËVE TË TRETA

Neni 13 — Partnerët

VrapOn mund të bashkëpunojë me ofrues të jashtëm për analiza, performancë ose komunikim. Këta partnerë mund të përdorin cookies ose teknologji të ngjashme në përputhje me politikat e tyre të privatësisë. Integrimet aktuale ose të ardhshme mund të përfshijnë: shërbime analitike; ofrues të hartave; sisteme për dërgimin e njoftimeve; ofrues të pagesave; platforma për mbështetjen e klientit. VrapOn do të përditësojë këtë Politikë kur lista e partnerëve të ndryshojë në mënyrë të rëndësishme.

Neni 14 — Përgjegjësia

VrapOn nuk kontrollon politikat e privatësisë së palëve të treta dhe rekomandon që përdoruesit të njihen me dokumentacionin përkatës të këtyre ofruesve.

KAPITULLI V — MENAXHIMI I COOKIES

Neni 15 — Pëlqimi

15.1. Cookies thelbësore (Neni 5) vendosen automatikisht pasi janë të domosdoshme për funksionimin e Platformës dhe nuk kërkojnë pëlqim paraprak.

15.2. Cookies jo-thelbësore (performancë, analitike, funksionaliteti jo-esencial, marketing) vendosen VETËM pasi Përdoruesi të ketë dhënë pëlqim aktiv (opt-in) përmes një baneri ose paneli të dedikuar të menaxhimit të cookies. Këto cookies janë të çaktivizuara (default OFF) derisa Përdoruesi të zgjedhë shprehimisht t'i aktivizojë.

15.3. Përdoruesi mund të: pranojë të gjitha cookies; refuzojë të gjitha cookies jo-thelbësore me një klikim të vetëm (po aq të lehtë sa pranimi); zgjedhë kategoritë individuale të lejuara.

15.4. Refuzimi i cookies jo-thelbësore nuk kufizon aksesin në funksionet bazë të Platformës.

Neni 16 — Ndryshimi i Preferencave

Përdoruesi mund të ndryshojë preferencat për cookies në çdo kohë përmes: panelit të menaxhimit të cookies në faqen zyrtare, nëse ofrohet; cilësimeve të shfletuesit; cilësimeve të pajisjes, kur është e aplikueshme. Çaktivizimi i disa cookies mund të kufizojë funksionalitete të caktuara të Platformës.

Neni 17 — Fshirja e Cookies

Përdoruesi mund të fshijë cookies në çdo kohë përmes cilësimeve të shfletuesit ose pajisjes së tij. Fshirja e cookies mund të kërkojë hyrje të re në llogari ose rivendosjen e disa preferencave.

KAPITULLI VI — SIGURIA DHE RUAJTJA

Neni 18 — Siguria

VrapOn zbaton masa teknike dhe organizative për të mbrojtur informacionin e lidhur me cookies nga aksesi, përdorimi ose zbulimi i paautorizuar.

Neni 19 — Periudha e Ruajtjes

Cookies ruhen vetëm për periudhën e nevojshme për qëllimin për të cilin janë vendosur. Kohëzgjatja mund të ndryshojë sipas kategorisë së cookie dhe kërkesave ligjore.

Neni 20 — Përditësimi i Politikës

VrapOn rezervon të drejtën të ndryshojë këtë Politikë në çdo kohë për të reflektuar: ndryshime ligjore; zhvillime teknologjike; ndryshime në shërbime ose partnerë. Versioni më i fundit do të publikohet në faqen zyrtare.

Neni 21 — Kontakt

Për çdo pyetje në lidhje me këtë Politikë ose përdorimin e cookies, përdoruesit mund të kontaktojnë VrapOn në adresën zyrtare të kontaktit ose në numrin e dedikuar për çështjet e privatësisë: +355 67 201 9470.

ANEKSI 2 — POLITIKA E PAGESAVE

KAPITULLI I — DISPOZITA TË PËRGJITHSHME

Neni 1 — Qëllimi

1.1. Kjo Politikë e Pagesave ("Politika") rregullon mënyrën e kryerjes së pagesave për shërbimet e ofruara përmes Platformës VrapOn Taxi.

1.2. Politika zbatohet për të gjithë përdoruesit që kryejnë pagesa përmes Platformës, pavarësisht metodës së pagesës së zgjedhur.

1.3. Kjo Politikë është pjesë përbërëse e Termave dhe Kushteve të Përdorimit dhe duhet të lexohet së bashku me Politikën e Privatësisë dhe Politikën e Rimbursimeve.

Neni 2 — Përkufizime

Platforma — aplikacioni dhe sistemet elektronike të VrapOn.
Pasagjeri — përdoruesi që rezervon dhe paguan për një udhëtim.
Operatori i Pagesës (PSP) — institucioni i autorizuar që përpunon pagesat elektronike në emër të VrapOn.
Kartë Pagese — kartë debiti, krediti ose parapagese e pranuar nga Platforma.
Autorizim — rezervimi i përkohshëm i fondeve në kartën e përdoruesit përpara debitimit përfundimtar.
Debitim — transferimi përfundimtar i shumës së pagesës.

KAPITULLI II — METODAT E PAGESËS

Neni 3 — Metodat e Pranuara

VrapOn mund të pranojë një ose më shumë nga metodat e mëposhtme të pagesës: pagesë në para (Cash); kartë debiti; kartë krediti; kartë parapagese; portofol elektronik (nëse ofrohet); Apple Pay (nëse mbështetet); Google Pay (nëse mbështetet); metoda të tjera të miratuara nga VrapOn. Lista e metodave të disponueshme mund të ndryshojë në çdo kohë.

Neni 4 — Përzgjedhja e Metodës së Pagesës

4.1. Pasagjeri zgjedh metodën e pagesës përpara ose gjatë rezervimit të udhëtimit.

4.2. VrapOn mund të kufizojë disa metoda pagese për kategori të caktuara shërbimesh ose zona gjeografike.

4.3. Në rast dështimi të metodës së zgjedhur, Pasagjeri mund të kërkohet të përdorë një metodë alternative.

KAPITULLI III — PAGESAT ME KARTË

Neni 5 — Regjistrimi i Kartës

5.1. Përdoruesi mund të regjistrojë një ose më shumë karta pagese në Platformë.

5.2. VrapOn nuk ruan numrin e plotë të kartës, kodin CVV/CVC ose të dhëna të tjera të ndjeshme të pagesës. Këto përpunohen dhe ruhen nga ofruesi i autorizuar i shërbimeve të pagesave, sipas standardeve të sigurisë të zbatueshme.

5.3. Përdoruesi garanton se është pronari i ligjshëm ose përdorues i autorizuar i kartës së regjistruar.

Neni 6 — Autorizimi i Pagesës

6.1. Për disa rezervime, VrapOn ose PSP mund të kryejnë një autorizim paraprak të fondeve për të verifikuar vlefshmërinë e kartës dhe disponueshmërinë e mjeteve.

6.2. Autorizimi nuk përbën debitim përfundimtar.

6.3. Lirimi i fondeve të autorizuara varet nga banka lëshuese e kartës dhe afatet e saj operative.

Neni 7 — Debitimi

7.1. Pas përfundimit të udhëtimit, Platforma do të debitojë shumën përfundimtare të tarifës, duke përfshirë çdo tarifë shtesë të zbatueshme sipas Termave dhe Kushteve.

7.2. Në rast të një diference midis vlerës së parashikuar dhe tarifës përfundimtare, do të debitohet shuma reale e llogaritur sipas parametrave të udhëtimit.

KAPITULLI IV — TARIFAT DHE FAKTURIMI

Neni 8 — Tarifat

Tarifa e një udhëtimi mund të përbëhet nga: tarifa bazë; tarifa sipas distancës; tarifa sipas kohës; tarifa e pritjes; tarifa e anulimit; tarifa "No Show"; tarifa të tjera të publikuara në Platformë, të cilat janë në përputhje me tarifat zyrtare të legjislacionit në fuqi mbi transportin dhe taksitë sipas Vendimeve të Këshillit Bashkiak të secilit qytet.

Neni 9 — Transparenca e Çmimeve

9.1. VrapOn përpiqet të shfaqë një vlerësim të tarifës përpara konfirmimit të rezervimit.

9.2. Ky vlerësim është orientues dhe tarifa përfundimtare mund të ndryshojë për shkak të: ndryshimit të itinerarit; ndalesave shtesë; kohës së pritjes; devijimeve të kërkuara nga Pasagjeri; faktorëve të tjerë të lidhur me udhëtimin.

Neni 10 — Faturat Elektronike

10.1. Pas përfundimit të pagesës, VrapOn mund të lëshojë një faturë ose konfirmim elektronik të pagesës.

10.2. Dokumenti elektronik do të jetë i disponueshëm në aplikacion ose do të dërgohet në adresën e email-it të regjistruar.

KAPITULLI V — PAGESAT E DËSHTUARA

Neni 11 — Dështimi i Pagesës

Nëse një pagesë nuk mund të përpunohet për shkak të: mungesës së fondeve; refuzimit nga banka; kartës së skaduar; kufizimeve të sigurisë; problemeve teknike — VrapOn mund të: kërkojë një metodë tjetër pagese; pezullojë përkohësisht përdorimin e pagesave me kartë; kufizojë aksesin në Platformë derisa pagesa të kryhet.

Neni 12 — Detyrimet e Përdoruesit

Përdoruesi është përgjegjës që: të mbajë të përditësuara të dhënat e kartës; të sigurojë fonde të mjaftueshme; të mos përdorë karta të personave të tretë pa autorizim; të raportojë menjëherë çdo përdorim të paautorizuar të llogarisë.

KAPITULLI VI — SIGURIA E PAGESAVE

Neni 13 — Masat e Sigurisë

VrapOn dhe partnerët e saj të pagesave zbatojnë masa teknike dhe organizative për mbrojtjen e transaksioneve, duke përfshirë: enkriptimin e komunikimeve; autentikimin e përdoruesve; monitorimin e transaksioneve të dyshimta; mekanizma për parandalimin e mashtrimit.

Neni 14 — Autentikimi i Fortë (Strong Customer Authentication)

Kur kërkohet nga legjislacioni ose rregullat e rrjeteve të kartave, pagesat mund t'i nënshtrohen procedurave të autentikimit të fortë (p.sh. 3D Secure ose mekanizma të ngjashëm).

KAPITULLI VII — MOSMARRËVESHJET PËR PAGESAT

Neni 15 — Ankesa

Përdoruesi që pretendon një gabim në pagesë duhet të kontaktojë VrapOn përmes kanaleve zyrtare brenda një afati të arsyeshëm nga data e transaksionit.

Neni 16 — Verifikimi

VrapOn mund të kërkojë: fatura; pamje ekrani; të dhëna të transaksionit; dokumente identifikimi; informacion shtesë — për të verifikuar pretendimin, duke respektuar legjislacionin për mbrojtjen e të dhënave.

Neni 17 — Chargeback

17.1. Nëse një përdorues nis një procedurë chargeback përmes bankës ose lëshuesit të kartës, VrapOn do të bashkëpunojë me ofruesin e pagesave për shqyrtimin e rastit.

17.2. Nëse vërtetohet se pagesa është kryer në mënyrë të ligjshme dhe shërbimi është ofruar, VrapOn rezervon të drejtën të kundërshtojë procedurën e chargeback dhe të paraqesë provat përkatëse.

17.3. Abuzimi me procedurën e chargeback mund të çojë në kufizimin ose mbylljen e llogarisë së përdoruesit, pa cenuar të drejtën e tij për të paraqitur ankesa të ligjshme.

KAPITULLI VIII — DISPOZITA PËRFUNDIMTARE

Neni 18 — Ndryshimet në Politikë

VrapOn rezervon të drejtën të përditësojë këtë Politikë për të reflektuar: ndryshime ligjore; zhvillime teknologjike; metoda të reja pagese; ndryshime në partnerët e pagesave. Versioni i përditësuar publikohet në faqen zyrtare dhe hyn në fuqi në datën e përcaktuar.

Neni 19 — Dokumentet e Lidhura

Kjo Politikë duhet të lexohet së bashku me: Termat dhe Kushtet e Përdorimit; Politikën e Privatësisë; Politikën e Cookies; Politikën e Rimbursimeve.

ANEKSI 3 — POLITIKA E RIMBURSIMEVE

KAPITULLI I — DISPOZITA TË PËRGJITHSHME

Neni 1 — Qëllimi

1.1. Kjo Politikë e Rimbursimeve ("Politika") përcakton rregullat dhe procedurat për shqyrtimin e kërkesave për rimbursim të pagesave të kryera përmes Platformës VrapOn Taxi.

1.2. Politika synon të sigurojë një proces të drejtë, transparent dhe të njëtrajtshëm për trajtimin e kërkesave të përdoruesve, duke respektuar legjislacionin shqiptar, rregullat e partnerëve të pagesave dhe të drejtat e konsumatorit.

1.3. Kjo Politikë është pjesë përbërëse e Termave dhe Kushteve të Përdorimit dhe duhet të lexohet së bashku me Politikën e Pagesave.

Neni 2 — Fusha e Zbatimit

2.1. Kjo Politikë zbatohet për të gjitha pagesat e kryera përmes Platformës, përfshirë: pagesat me kartë; pagesat për shërbimet e transportit; tarifat e anulimit; tarifat "No Show"; tarifa të tjera të publikuara nga VrapOn.

2.2. Politika nuk zbatohet për shërbime të ofruara nga palë të treta (si hotele, restorante, fluturime, tragete, makina me qira ose shërbime të tjera të integruara), për të cilat çdo kërkesë për rimbursim duhet t'i drejtohet ofruesit përkatës.

Neni 3 — Përkufizime

Rimbursim (Refund) — kthimi i plotë ose i pjesshëm i një shume të paguar nga Përdoruesi.
Rimbursim i Plotë — kthimi i të gjithë shumës së paguar.
Rimbursim i Pjesshëm — kthimi i një pjese të shumës së paguar.
Chargeback — procedura e nisur nga mbajtësi i kartës përmes bankës së tij për të kundërshtuar një transaksion.
Gabim Teknik — një problem teknik që ka ndikuar në llogaritjen ose përpunimin e pagesës.

KAPITULLI II — RASTET KUR MUND TË JEPET RIMBURSIM

Neni 4 — Rimbursimi i Plotë

VrapOn mund të miratojë një rimbursim të plotë, ndër të tjera, në rastet kur: pagesa është kryer dy herë për të njëjtin udhëtim; udhëtimi nuk është realizuar dhe pagesa është debituar gabimisht; është identifikuar një gabim teknik në Platformë; është kryer një debitim i paautorizuar që konfirmohet pas verifikimit; është aplikuar gabimisht një tarifë e papërshtatshme; ekziston një vendim përfundimtar nga autoriteti kompetent që urdhëron rimbursimin.

Neni 5 — Rimbursimi i Pjesshëm

Rimbursimi i pjesshëm mund të miratohet në raste si: diferenca ndërmjet tarifës së parashikuar dhe tarifës së përfunduar rezulton nga një gabim i sistemit; është aplikuar gabimisht një tarifë shtesë; një pjesë e shërbimit nuk është ofruar për arsye që i atribuohen Platformës; VrapOn vendos të ofrojë një kompensim si gjest tregtar ("goodwill"), pa pranuar përgjegjësi ligjore. Dhënia e një rimbursimi të tillë nuk krijon precedent dhe nuk detyron VrapOn të veprojë njësoj në raste të tjera.

Neni 6 — Rimbursimet si Gjest Tregtar

6.1. Në raste të veçanta, VrapOn mund të vendosë të ofrojë një rimbursim ose kredit në llogarinë e përdoruesit si gjest tregtar, edhe kur nuk ekziston një detyrim ligjor.

6.2. Kjo nuk përbën njohje të fajit ose përgjegjësisë nga ana e VrapOn.

KAPITULLI III — RASTET KUR NUK KRYHET RIMBURSIM

Neni 7 — Raste të Përgjithshme

Rimbursimi nuk do të jepet, ndër të tjera, kur: udhëtimi është realizuar sipas rezervimit; tarifa është llogaritur saktë; ndryshimi i itinerarit është kërkuar nga Pasagjeri; janë aplikuar tarifa pritjeje ose "No Show" në përputhje me Termat dhe Kushtet; kërkesa bazohet vetëm në pakënaqësi subjektive, pa prova për shkelje të shërbimit.

7.1 Udhëtimi është realizuar sipas rezervimit. Nuk kryhet rimbursim kur: Shoferi ka mbërritur në pikën e marrjes dhe ka realizuar udhëtimin sipas kërkesës së Pasagjerit; tarifa është llogaritur sipas sistemit të VrapOn; nuk konstatohet gabim teknik ose administrativ.

7.2 Tarifa e pritjes (Waiting Time). Nëse Shoferi mbërrin në pikën e marrjes dhe pret Pasagjerin, tarifa e pritjes nuk rimbursohet nëse: Pasagjeri nuk paraqitet brenda kohës së pritjes së përcaktuar në aplikacion; Shoferi ka respektuar procedurën e mbërritjes dhe ka qenë i disponueshëm për marrjen e Pasagjerit. Koha standarde e pritjes është: deri në 10 minuta pa tarifë; pas kësaj periudhe, sistemi mund të aplikojë tarifën e pritjes; pas 15 minutash, Shoferi mund ta konsiderojë Pasagjerin "No Show" dhe të largohet.

7.3 Tarifa "No Show". Nuk kryhet rimbursim kur: Shoferi ka mbërritur në vendin e marrjes; ka pritur për kohën minimale të përcaktuar; ka tentuar të kontaktojë Pasagjerin, kur kjo është e arsyeshme; Pasagjeri nuk është paraqitur. Në këto raste, tarifa "No Show" konsiderohet e fituar për kompensimin e kohës dhe kostove të Shoferit.

7.4 Anulimi pasi Shoferi është nisur. Nëse Pasagjeri anulon udhëtimin pasi Shoferi ka pranuar kërkesën dhe ka filluar lëvizjen drejt pikës së marrjes, VrapOn mund të aplikojë një tarifë anulimi. Tarifa nuk rimbursohet kur Shoferi ka përshkuar një distancë prej 1km drejt pikës së marrjes ose kanë kaluar më shumë se 5 minuta nga pranimi i udhëtimit. Në këto raste, tarifa e anulimit konsiderohet e justifikuar.

7.5 Anulimi pas mbërritjes së Shoferit. Nëse Shoferi ka mbërritur në pikën e marrjes dhe Pasagjeri anulon rezervimin pas mbërritjes së Shoferit, tarifa e anulimit nuk rimbursohet.

7.6 Ndryshimi i destinacionit. Nuk kryhet rimbursim kur tarifa përfundimtare ndryshon si rezultat i: ndryshimit të destinacionit nga Pasagjeri; shtimit të ndalesave; kërkesës së Pasagjerit për ndryshimin e itinerarit.

7.7 Ndalesat shtesë. Nëse Pasagjeri kërkon ndalesa shtesë gjatë udhëtimit, tarifa shtesë e llogaritur nga Platforma nuk rimbursohet.

7.8 Trafiku dhe kushtet rrugore. Nuk kryhet rimbursim vetëm për shkak të: trafikut të rënduar; punimeve në rrugë; devijimeve të detyruara; aksidenteve; mbylljes së rrugëve; kushteve atmosferike.

7.9 Itinerari. Nuk kryhet rimbursim kur Shoferi përdor një itinerar alternativ që është: sugjeruar nga sistemi i navigimit; kërkuar nga Pasagjeri; i nevojshëm për shkak të trafikut ose sigurisë.

7.10 Pagesat Cash. Në rastet kur pagesa kryhet në para dhe Pasagjeri paguan shumën e kërkuar në përfundim të udhëtimit, VrapOn nuk është përgjegjës për kthimin e shumave, përveç rasteve kur provohet një gabim i qartë në llogaritjen e tarifës ose në përpunimin e pagesës.

7.11 Kërkesat e pambështetura. Nuk kryhet rimbursim kur kërkesa: nuk mbështetet me prova të mjaftueshme; bie ndesh me të dhënat e regjistruara në Platformë; paraqitet me informacion të rremë ose mashtrues.

7.12 Abuzimi me Politikën e Rimbursimeve. VrapOn mund të refuzojë një kërkesë për rimbursim nëse konstaton ose ka arsye të bazuara të dyshojë se përdoruesi: paraqet kërkesa të përsëritura pa bazë; manipulon sistemin e pagesave; përdor chargeback në mënyrë abuzive; krijon llogari të shumta për të përfituar rimbursime; vepron në kundërshtim me Termat dhe Kushtet ose Politikën Anti-Mashtrim.

Neni 8 — Faktorë Jashtë Kontrollit të VrapOn

VrapOn nuk kryen rimbursim vetëm për shkak të: trafikut; kushteve atmosferike; aksidenteve; bllokimeve të rrugëve; vonesës në mbërritjen në aeroport, hotel, restorant, terminal autobusi, trageti ose aktivitet tjetër; ndryshimeve të orareve të shërbimeve të palëve të treta.

Neni 9 — Shërbimet e Palëve të Treta

VrapOn nuk është përgjegjës për rimbursimin e pagesave që lidhen me: rezervime hotelesh; rezervime restorantesh; bileta avioni; bileta autobusi; bileta trageti; makina me qira; aktivitete turistike; ose çdo shërbim tjetër të ofruar nga një palë e tretë. Çdo pretendim për këto shërbime duhet t'i drejtohet ofruesit përkatës.

KAPITULLI IV — PROCEDURA E KËRKESËS PËR RIMBURSIM

Neni 10 — Paraqitja e Kërkesës

10.1. Përdoruesi mund të paraqesë një kërkesë për rimbursim përmes kanaleve zyrtare të mbështetjes së VrapOn.

10.2. Kërkesa duhet të përmbajë, kur është e mundur: numrin e udhëtimit; datën dhe orën e transaksionit; shumën e debituar; përshkrimin e pretendimit; çdo provë mbështetëse.

Neni 11 — Afati për Paraqitjen

Kërkesa për rimbursim duhet të paraqitet brenda 30 (tridhjetë) ditëve kalendarike nga data e transaksionit, në përputhje me Nenin 43 të Termave dhe Kushteve. Kërkesat e paraqitura pas kësaj periudhe mund të mos mund të verifikohen dhe mund të refuzohen, përveç rasteve kur ligji parashikon ndryshe.

Neni 12 — Shqyrtimi i Kërkesës

VrapOn do të: verifikojë të dhënat e udhëtimit; analizojë regjistrimet teknike dhe të pagesës; kërkojë informacion shtesë, nëse është e nevojshme; njoftojë përdoruesin për rezultatin e shqyrtimit brenda një afati të arsyeshëm. Nëse kërkesa miratohet, VrapOn do të procesojë dhe nisë kthimin e shumës brenda 3-5 (tri deri në pesë) ditëve pune nga data e miratimit, në përputhje me Nenin 44.2 të Termave dhe Kushteve.

ANEKSI 4 — KUSHTET PËR SHOFERËT DHE OPERATORËT E TAKSIVE

KAPITULLI I — DISPOZITA TË PËRGJITHSHME

Neni 1 — Qëllimi

1.1. Ky dokument përcakton kushtet që rregullojnë përdorimin e Platformës VrapOn Taxi nga Shoferët dhe Operatorët e Taksive.

1.2. Dokumenti është pjesë përbërëse e marrëdhënies kontraktore ndërmjet VrapOn dhe çdo Shoferi ose Operatori që regjistrohet në Platformë.

1.3. Duke krijuar një llogari ose duke përdorur Platformën, Shoferi ose Operatori deklaron se i ka lexuar, kuptuar dhe pranuar këto kushte.

Neni 2 — Përkufizime

VrapOn — platforma teknologjike që ndërmjetëson kërkesat për transport.
Operator i Taksisë — person fizik ose juridik që zotëron licencën për ushtrimin e aktivitetit të transportit me taksi.
Shofer — personi fizik që drejton automjetin dhe ofron shërbimin e transportit.
Automjet — mjeti i regjistruar në Platformë dhe i miratuar për përdorim.
Platforma — aplikacioni dhe sistemet teknologjike të VrapOn.

KAPITULLI II — KUSHTET E REGJISTRIMIT

Neni 3 — Kriteret e Pranimit

Për t'u regjistruar në Platformë, Shoferi ose Operatori duhet të plotësojë të paktën këto kushte: të jetë në moshë madhore; të ketë zotësi të plotë për të vepruar; të disponojë licencat dhe autorizimet e kërkuara nga legjislacioni shqiptar; të ketë dokumente identifikimi të vlefshme; të disponojë një llogari bankare, kur kërkohet për pagesat; të pranojë Termat dhe Kushtet e Platformës.

Neni 4 — Dokumentacioni i Detyrueshëm

Operatori ose Shoferi duhet të paraqesë dokumentacion të vlefshëm, sipas rastit, si: dokument identifikimi; leje drejtimi; licencë për transport taksi; leje qarkullimi të automjetit; certifikatë sigurimi; certifikatë kontrolli teknik; dokumente tatimore, kur kërkohen; dokumente të tjera të përcaktuara nga VrapOn ose legjislacioni në fuqi. VrapOn rezervon të drejtën të kërkojë përditësimin e këtyre dokumenteve në çdo kohë.

Neni 5 — Verifikimi

5.1. VrapOn mund të verifikojë saktësinë e dokumentacionit të paraqitur.

5.2. VrapOn mund të refuzojë regjistrimin ose të pezullojë aksesin në Platformë nëse dokumentet rezultojnë të pavlefshme, të falsifikuara ose të paplota.

KAPITULLI III — AUTOMJETI

Neni 6 — Standardet e Automjetit

Automjeti duhet: të jetë i regjistruar sipas ligjit; të jetë në gjendje të mirë teknike; të jetë i pastër; të ketë kondicioner funksional, kur është i pajisur; të jetë i sigurt për transportin e pasagjerëve; të përmbushë standardet e përcaktuara nga legjislacioni dhe VrapOn.

Neni 7 — Inspektimet

VrapOn mund të kërkojë: fotografi të automjetit; video verifikimi; kontroll fizik; dokumentacion shtesë. Mosplotësimi i kërkesave mund të çojë në pezullimin e automjetit nga Platforma.

KAPITULLI IV — DETYRIMET E SHOFERIT

Neni 8 — Standardet e Shërbimit

Shoferi detyrohet: të jetë i sjellshëm dhe profesional; të respektojë ligjin; të respektojë Kodin Rrugor; të mos diskriminojë pasagjerët; të mbrojë sigurinë e tyre; të përdorë itinerarin më të përshtatshëm, përveç rasteve kur pasagjeri kërkon ndryshe.

Neni 9 — Sjellja e Ndaluar

Shoferi nuk lejohet: të konsumojë alkool ose substanca narkotike gjatë punës; të kërkojë pagesa jashtë Platformës, kur udhëtimi është rezervuar përmes VrapOn dhe pagesa duhet të kryhet në aplikacion; të manipulojë GPS-in ose aplikacionin; të përdorë llogarinë e një personi tjetër; të ndajë llogarinë me persona të paautorizuar; të përdorë automjete të paregjistruara në Platformë; të kontaktojë pasagjerët për qëllime që nuk lidhen me realizimin e udhëtimit.

KAPITULLI V — PAGESAT DHE KOMISIONET

Neni 10 — Pagesat

Pagesat për shërbimet e realizuara përmes Platformës kryhen sipas procedurave të publikuara nga VrapOn.

Neni 11 — Komisioni

11.1. Për përdorimin e Platformës, VrapOn mund të aplikojë një komision mbi çdo udhëtim të realizuar.

11.2. Përqindja e komisionit dhe mënyra e llogaritjes së tij përcaktohen në marrëveshjen komerciale me Operatorin ose në politikat e publikuara nga VrapOn.

11.3. VrapOn rezervon të drejtën të ndryshojë komisionin, duke njoftuar Operatorët paraprakisht në një afat të arsyeshëm.

KAPITULLI VI — VLERËSIMET DHE CILËSIA

Neni 12 — Sistemi i Vlerësimit

Pasagjerët mund të vlerësojnë Shoferët pas çdo udhëtimi. VrapOn mund të përdorë këto vlerësime për: monitorimin e cilësisë; identifikimin e shkeljeve; përmirësimin e shërbimit; vendimmarrjen për pezullimin ose çaktivizimin e llogarisë, kur është e justifikuar.

Neni 13 — Ankesat

Shoferi ka të drejtë të paraqesë shpjegime ose prova në lidhje me një ankesë të paraqitur kundër tij. VrapOn do të shqyrtojë rastin në mënyrë të paanshme dhe mund të kërkojë informacion shtesë nga palët.

KAPITULLI VII — PEZULLIMI DHE MBYLLJA E LLOGARISË

Neni 14 — Pezullimi

VrapOn mund të pezullojë përkohësisht llogarinë e Shoferit ose Operatorit në rast të: dokumentacionit të skaduar; shkeljeve të rënda të këtyre kushteve; dyshimeve të arsyeshme për mashtrim; rrezikut për sigurinë e përdoruesve; kërkesës së autoriteteve kompetente.

Neni 15 — Mbyllja e Llogarisë

Llogaria mund të mbyllet në mënyrë të përhershme në rast të: falsifikimit të dokumenteve; mashtrimit; përdorimit të llogarisë nga persona të paautorizuar; shkeljeve të përsëritura të këtyre kushteve; veprimeve që dëmtojnë seriozisht reputacionin ose sigurinë e Platformës. Kur është e mundur dhe e përshtatshme, VrapOn do të njoftojë Shoferin ose Operatorin për arsyet e vendimit dhe, sipas rastit, do t'i japë mundësinë të paraqesë sqarime.

KAPITULLI VIII — PAGESAT, LIKUIDIMI DHE DETYRIMET FINANCIARE

Neni 16 — Llogaritja e të Ardhurave

Të ardhurat e Shoferit ose Operatorit llogariten mbi bazën e udhëtimeve të realizuara dhe të regjistruara në Platformë. VrapOn mban evidencë elektronike të të gjitha udhëtimeve, tarifave, komisioneve dhe pagesave, e cila përbën bazën për llogaritjen e shumave që i takojnë Operatorit. Në rast mospërputhjeje, të dhënat e regjistruara në sistemet e VrapOn konsiderohen prova kryesore, pa përjashtuar të drejtën e Operatorit për të paraqitur prova të kundërta.

Neni 17 — Likuidimi i Pagesave

Pagesat ndaj Operatorëve kryhen sipas cikleve të pagesës të përcaktuara në marrëveshjen komerciale ose në politikat e publikuara nga VrapOn. VrapOn mund të mbajë përkohësisht pagesa në rast: hetimi për mashtrim; chargeback; mosmarrëveshjeje mbi një udhëtim; kërkese nga autoritetet kompetente; detyrimesh të papaguara ndaj VrapOn. Çdo mbajtje fondesh do të jetë proporcionale dhe vetëm për periudhën e nevojshme për shqyrtimin e rastit.

Neni 18 — Detyrimet Tatimore

Çdo Operator dhe Shofer është përgjegjës për deklarimin dhe pagesën e tatimeve, kontributeve dhe detyrimeve të tjera fiskale që rrjedhin nga aktiviteti i tij. VrapOn nuk vepron si punëdhënës, agjent tatimor ose garant për detyrimet fiskale të Operatorëve, përveç rasteve kur ligji parashikon ndryshe.

KAPITULLI IX — MBROJTJA E TË DHËNAVE DHE KONFIDENCIALITETI

Neni 19 — Të Dhënat Personale

Shoferët dhe Operatorët janë të detyruar të përpunojnë të dhënat personale të Pasagjerëve vetëm në masën e nevojshme për realizimin e udhëtimit. Ndalohet përdorimi i të dhënave personale për: marketing të paautorizuar; kontakte private; shitje ose shpërndarje të të dhënave; çdo qëllim që nuk lidhet drejtpërdrejt me ofrimin e shërbimit. Çdo shkelje e këtij neni konsiderohet shkelje e rëndë kontraktore.

Neni 20 — Konfidencialiteti

Shoferi dhe Operatori janë të detyruar të ruajnë konfidencialitetin e çdo informacioni jo publik që marrin gjatë bashkëpunimit me VrapOn. Detyrimi i konfidencialitetit vazhdon edhe pas përfundimit të marrëdhënies kontraktore.

KAPITULLI X — PËRDORIMI I PLATFORMËS

Neni 21 — Përdorimi i Lejuar

Shoferët dhe Operatorët duhet ta përdorin Platformën vetëm për: pranimin e udhëtimeve; realizimin e transportit; komunikimin e nevojshëm me Pasagjerët; administrimin e llogarisë së tyre.

Neni 22 — Veprimet e Ndaluara

Ndalohet: modifikimi i aplikacionit; inxhinieria e kundërt (reverse engineering); përdorimi i robotëve ose programeve automatike; ndërhyrja në sistemet informatike të VrapOn; përdorimi i aplikacioneve për manipulimin e GPS; krijimi artificial i kërkesave për udhëtim; bashkëpunimi për mashtrimin e Platformës.

KAPITULLI XI — PRONËSIA INTELEKTUALE

Neni 23 — Të Drejtat e Pronësisë

Të gjitha të drejtat mbi Platformën, aplikacionin, markat tregtare, logot, dizajnet, kodin burimor, bazat e të dhënave dhe materialet e tjera i përkasin ekskluzivisht Upfront Albania sh.p.k. ose licencuesve të saj. Regjistrimi në Platformë nuk i jep Shoferit ose Operatorit asnjë të drejtë pronësie mbi këto elemente.

Neni 24 — Marka VrapOn

Shoferët dhe Operatorët nuk mund të përdorin emrin, logon ose markën tregtare të VrapOn: për reklama personale; në rrjete sociale në mënyrë që krijon përshtypjen e një deklarate zyrtare; për qëllime politike; për aktivitete që mund të dëmtojnë reputacionin e Platformës. Përdorimi i markës lejohet vetëm sipas udhëzimeve ose autorizimit me shkrim të VrapOn.

KAPITULLI XII — AUDITIMI DHE KONTROLLI

Neni 25 — Verifikimet

VrapOn mund të kryejë verifikime për: vlefshmërinë e licencave; dokumentacionin; sigurimet; automjetet; aktivitetin në Platformë; respektimin e këtyre Kushteve. Shoferët dhe Operatorët janë të detyruar të bashkëpunojnë në mënyrë të arsyeshme gjatë këtyre verifikimeve.

Neni 26 — Përditësimi i Dokumenteve

Shoferët dhe Operatorët duhet të përditësojnë pa vonesë çdo dokument që skadon ose ndryshon. Mosdorëzimi në kohë mund të çojë në pezullimin e aksesit në Platformë.

KAPITULLI XIII — PËRGJEGJËSIA

Neni 27 — Përgjegjësia e Shoferit dhe Operatorit

Shoferi dhe Operatori mbajnë përgjegjësi për: respektimin e legjislacionit shqiptar; sigurinë e automjetit; vlefshmërinë e dokumenteve; sjelljen gjatë ofrimit të shërbimit; dëmet e shkaktuara nga veprimet ose mosveprimet e tyre.

Neni 28 — Kufizimi i Përgjegjësisë së VrapOn

VrapOn është një platformë teknologjike që ndërmjetëson kërkesat për transport dhe nuk është operator transporti, pronar i automjeteve ose punëdhënës i Shoferëve. Për aq sa lejohet nga ligji, VrapOn nuk mban përgjegjësi për: aksidente rrugore; dëmtime të automjeteve; dëmtime të sendeve personale; humbje fitimi; dëme indirekte ose pasuese; veprime ose mosveprime të Shoferëve apo Pasagjerëve jashtë kontrollit të saj. Ky kufizim nuk zbatohet në rastet kur përgjegjësia nuk mund të përjashtohet sipas legjislacionit në fuqi.

KAPITULLI XIV — PËRFUNDIMI I MARRËDHËNIES

Neni 29 — Ndërprerja nga Shoferi ose Operatori

Shoferi ose Operatori mund të ndërpresë përdorimin e Platformës në çdo kohë duke mbyllur llogarinë dhe duke përmbushur detyrimet financiare të mbetura.

Neni 30 — Ndërprerja nga VrapOn

VrapOn mund të ndërpresë marrëdhënien kontraktore në rast: shkeljesh të rënda ose të përsëritura; mashtrimit; dokumenteve të falsifikuara; rrezikut për sigurinë e përdoruesve; kërkesës së autoriteteve kompetente; mosrespektimit të detyrimeve kontraktore. Kur është e mundur dhe e përshtatshme, VrapOn do të njoftojë Operatorin ose Shoferin dhe do t'i japë mundësinë të paraqesë sqarime përpara marrjes së vendimit.

KAPITULLI XV — DISPOZITA PËRFUNDIMTARE

Neni 31 — Ndryshimet

VrapOn rezervon të drejtën të ndryshojë këto Kushte në çdo kohë. Ndryshimet do të publikohen në Platformë dhe, kur kërkohet, do t'u komunikohen Shoferëve dhe Operatorëve përpara hyrjes në fuqi.

Neni 32 — Ligji i Zbatueshëm

Këto Kushte rregullohen nga legjislacioni i Republikës së Shqipërisë.

Neni 33 — Zgjidhja e Mosmarrëveshjeve

Palët do të përpiqen fillimisht të zgjidhin çdo mosmarrëveshje përmes negociatave me mirëbesim. Nëse nuk arrihet një zgjidhje, mosmarrëveshja do t'i nënshtrohet juridiksionit të gjykatave kompetente të Republikës së Shqipërisë, përveç rasteve kur ligji kërkon një forum tjetër.

Neni 34 — Dokumentet e Lidhura

Këto Kushte duhet të lexohen së bashku me: Termat dhe Kushtet e Përdorimit të VrapOn; Politikën e Privatësisë; Politikën e Cookies; Politikën e Pagesave; Politikën e Rimbursimeve; Politikën Anti-Mashtrim; Kodin e Sjelljes.

ANEKSI 5 — POLITIKA PËR PARANDALIMIN E MASHTRIMIT (ANTI-FRAUD POLICY)

KAPITULLI I — DISPOZITA TË PËRGJITHSHME

Neni 1 — Qëllimi

1.1. Kjo Politikë përcakton masat që VrapOn zbaton për parandalimin, identifikimin, hetimin dhe trajtimin e mashtrimeve, abuzimeve dhe aktiviteteve të paligjshme në Platformë.

1.2. Politika synon të mbrojë: përdoruesit; shoferët; operatorët e taksive; partnerët e pagesave; reputacionin dhe integritetin e Platformës.

Neni 2 — Fusha e Zbatimit

Kjo Politikë zbatohet për: Pasagjerët; Shoferët; Operatorët e Taksive; përdoruesit e VrapOn Business; partnerët tregtarë; çdo person që përdor ose tenton të përdorë Platformën.

Neni 3 — Parimet

VrapOn ndjek parimet e: ligjshmërisë; proporcionalitetit; konfidencialitetit; transparencës; mbrojtjes së përdoruesve me mirëbesim; bashkëpunimit me autoritetet kompetente.

KAPITULLI II — FORMAT E MASHTRIMIT

Neni 4 — Mashtrimi me Llogari

Përbëjnë mashtrim: krijimi i llogarive të rreme; përdorimi i identiteteve të falsifikuara; përdorimi i dokumenteve të pavlefshme ose të falsifikuara; krijimi i shumë llogarive për të përfituar në mënyrë të padrejtë nga promocionet; përdorimi i llogarive të personave të tjerë pa autorizim.

Neni 5 — Mashtrimi me Pagesa

Konsiderohen shkelje të rënda: përdorimi i kartave të vjedhura ose të përdorura pa autorizim; paraqitja e të dhënave të rreme të pagesës; manipulimi i procesit të pagesës; tentativat për të anashkaluar mekanizmat e sigurisë së pagesave.

Neni 6 — Abuzimi me Chargeback

Është e ndaluar: inicimi i procedurave të chargeback për transaksione të vlefshme; paraqitja e pretendimeve të rreme ndaj bankës; përdorimi i chargeback si mënyrë për të shmangur pagesën për shërbime të ofruara. Në raste të tilla, VrapOn mund të kundërshtojë kërkesën pranë partnerit të pagesave dhe të ndërmarrë masa ndaj përdoruesit.

Neni 7 — Mashtrimi me GPS

Ndalohet: manipulimi i vendndodhjes së pajisjes; përdorimi i aplikacioneve për falsifikimin e GPS; simulimi i udhëtimeve; ndryshimi artificial i itinerareve; çdo veprim që synon të ndikojë në tarifën ose funksionimin e Platformës.

Neni 8 — Mashtrimi me Promocionet

Përbëjnë abuzim: përdorimi i shumë llogarive për të përfituar kode promocionale; ndarja ose shitja e kodeve kur kjo nuk lejohet; përdorimi i mjeteve të automatizuara për të përfituar oferta; çdo përpjekje për të manipuluar fushatat promocionale.

KAPITULLI III — MASAT E PARANDALIMIT

Neni 9 — Monitorimi

VrapOn mund të monitorojë aktivitetin në Platformë për të identifikuar modele të pazakonta ose sjellje që tregojnë rrezik të mundshëm për mashtrim, duke respektuar legjislacionin për mbrojtjen e të dhënave personale.

Neni 10 — Verifikimi i Identitetit

VrapOn mund të kërkojë verifikimin e identitetit të përdoruesve ose shoferëve në çdo kohë, duke përfshirë: dokument identifikimi; selfie ose verifikim biometrik, kur përdoret dhe lejohet nga ligji; konfirmim të numrit të telefonit; konfirmim të adresës së email-it; dokumente shtesë në rast dyshimi të arsyeshëm.

Neni 11 — Verifikimi i Dokumenteve

VrapOn rezervon të drejtën të: verifikojë vlefshmërinë e dokumenteve; kërkojë dokumente të reja; refuzojë dokumente të paqarta, të paplota ose të falsifikuara.

KAPITULLI IV — HETIMI

Neni 12 — Fillimi i Hetimit

VrapOn mund të nisë një hetim kur: merr një ankesë të besueshme; identifikon aktivitet të pazakontë; njoftohet nga partnerët e pagesave; merr informacion nga autoritetet kompetente; konstaton mospërputhje në të dhënat e Platformës.

Neni 13 — Bashkëpunimi i Përdoruesit

Gjatë hetimit, Përdoruesi ose Shoferi duhet të bashkëpunojë duke: dhënë informacion të saktë; paraqitur dokumentet e kërkuara; mos penguar procesin e verifikimit. Mosbashkëpunimi mund të merret parasysh gjatë vlerësimit të rastit.

KAPITULLI V — MASAT NDAJ SHKELJEVE

Neni 14 — Masat Administrative

Në varësi të natyrës dhe rëndësisë së shkeljes, VrapOn mund të: dërgojë paralajmërim; kufizojë përkohësisht funksionalitete të caktuara; pezullojë llogarinë; mbyllë përfundimisht llogarinë; refuzojë regjistrime të ardhshme. Masat do të zbatohen në mënyrë proporcionale dhe, kur është e mundur, përdoruesi do të njoftohet për arsyet.

Neni 15 — Rikuperimi i Humbjeve

Kur lejohet nga ligji dhe mbështetet me prova, VrapOn mund të kërkojë rikuperimin e humbjeve financiare të shkaktuara nga mashtrimi ose abuzimi.

Neni 16 — Bashkëpunimi me Autoritetet

Kur ekzistojnë dyshime të arsyeshme për aktivitet kriminal ose kur kërkohet nga ligji, VrapOn mund të bashkëpunojë me autoritetet kompetente duke dhënë informacion në përputhje me legjislacionin në fuqi.

KAPITULLI VI — MBROJTJA E PËRDORUESVE

Neni 17 — Raportimi

Përdoruesit inkurajohen të raportojnë: profile të rreme; mashtrime; kërkesa të dyshimta për pagesa; tentativa phishing; sjellje të dyshimta në Platformë.

Neni 18 — Edukimi

VrapOn mund të publikojë udhëzime dhe rekomandime për sigurinë, me qëllim rritjen e ndërgjegjësimit të përdoruesve dhe parandalimin e mashtrimeve.

KAPITULLI VII — DISPOZITA PËRFUNDIMTARE

Neni 19 — Përditësimi i Politikës

VrapOn rezervon të drejtën të përditësojë këtë Politikë për të reflektuar: ndryshime në legjislacion; zhvillime teknologjike; metoda të reja mashtrimi; praktika të reja të sigurisë.

Neni 20 — Dokumentet e Lidhura

Kjo Politikë duhet të lexohet së bashku me: Termat dhe Kushtet e Përdorimit; Politikën e Privatësisë; Politikën e Cookies; Politikën e Pagesave; Politikën e Rimbursimeve; Kushtet për Shoferët dhe Operatorët.

ANEKSI 6 — POLITIKA E PROMOCIONEVE DHE OFERTAVE TREGTARE

KAPITULLI I — DISPOZITA TË PËRGJITHSHME

Neni 1 — Qëllimi

Kjo Politikë rregullon krijimin, administrimin dhe përdorimin e promocioneve, kodeve promocionale, bonuseve, krediteve promocionale, programeve të referimit dhe çdo oferte tjetër tregtare të ofruar nga VrapOn. Qëllimi i kësaj Politike është: të sigurojë trajtim të drejtë të përdoruesve; të garantojë transparencë në përdorimin e promocioneve; të parandalojë mashtrimet dhe abuzimet; të mbrojë interesat legjitime të VrapOn dhe partnerëve të saj.

Neni 2 — Fusha e Zbatimit

Kjo Politikë zbatohet për: Pasagjerët; Shoferët; Operatorët; klientët VrapOn Business; partnerët tregtarë; çdo përdorues që përfiton ose tenton të përfitojë nga një promocion.

Neni 3 — Përkufizime

Promocion — çdo ofertë me karakter promocional e ofruar nga VrapOn.
Kod Promocional — kod elektronik që jep një përfitim sipas kushteve të fushatës.
Kredit Promocional — vlerë monetare ose ekuivalente që mund të përdoret vetëm sipas kushteve të përcaktuara.
Program Referimi — program përmes të cilit përdoruesit mund të përfitojnë shpërblime duke ftuar përdorues të rinj.

KAPITULLI II — RREGULLAT E PËRGJITHSHME

Neni 4 — E Drejta për të Ofruar Promocione

VrapOn mund të organizojë promocione në çdo kohë. VrapOn nuk ka detyrim të organizojë promocione në mënyrë të vazhdueshme. Promocionet mund të kufizohen sipas: qytetit; kategorisë së përdoruesit; metodës së pagesës; periudhës kohore; llojit të shërbimit; kritereve të tjera të përcaktuara nga VrapOn.

Neni 5 — Kohëzgjatja

Çdo promocion ka një periudhë vlefshmërie. Pas skadimit: kodi çaktivizohet automatikisht; kreditet e papërdorura mund të skadojnë, nëse kjo është parashikuar në kushtet e promocionit; nuk lind e drejtë për kompensim.

KAPITULLI III — KODET PROMOCIONALE

Neni 6 — Përdorimi

Kodet promocionale: përdoren vetëm sipas kushteve të publikuara; nuk mund të shiten; nuk mund të transferohen, përveç rasteve kur lejohet shprehimisht nga VrapOn; nuk kanë vlerë monetare jashtë Platformës.

Neni 7 — Kufizimet

Nëse nuk përcaktohet ndryshe: një kod përdoret vetëm një herë; një kod nuk mund të kombinohet me promocione të tjera; kodi nuk mund të shkëmbehet me para; kodi nuk krijon të drejtë pronësie për përdoruesin.

KAPITULLI IV — BONUSI DHE KREDITET PROMOCIONALE

Neni 8 — Kreditet

VrapOn mund të japë kredite promocionale për: fushata marketingu; kompensime tregtare; programe besnikërie; referime; aktivitete promocionale.

Neni 9 — Përdorimi i Krediteve

Kreditet promocionale: përdoren vetëm në Platformën VrapOn; nuk mund të tërhiqen në para; nuk mund të transferohen; nuk prodhojnë interes; nuk mund të shiten.

KAPITULLI V — PROGRAMI I REFERIMIT

Neni 10 — Ftesat

VrapOn mund të organizojë programe referimi. Përdoruesi mund të ftojë përdorues të rinj sipas kushteve të publikuara.

Neni 11 — Kushtet

Shpërblimi mund të jepet vetëm nëse: përdoruesi i ri regjistrohet në mënyrë të vlefshme; plotësohen kushtet e fushatës; nuk konstatohet mashtrim; përdoruesi i ri nuk ka pasur më parë një llogari aktive.

KAPITULLI VI — ABUZIMI ME PROMOCIONET

Neni 12 — Veprimet e Ndaluara

Ndalohet: krijimi i shumë llogarive; përdorimi i identiteteve të rreme; manipulimi i sistemit; përdorimi i robotëve; blerja ose shitja e kodeve; bashkëpunimi për të përfituar në mënyrë të padrejtë; çdo veprim që synon të anashkalojë kushtet e promocionit.

Neni 13 — Masat

Në rast abuzimi, VrapOn mund të: anulojë promocionin; heqë kreditet; refuzojë pagesën e bonusit; pezullojë ose mbyllë llogarinë; kërkojë rikuperimin e përfitimeve të marra në mënyrë të padrejtë, kur lejohet nga ligji.

KAPITULLI VII — NDRYSHIMI DHE ANULIMI I PROMOCIONEVE

Neni 14 — Ndryshimet

VrapOn mund të: ndryshojë kushtet e një promocioni; zgjasë ose shkurtojë kohëzgjatjen; ndryshojë kriteret e pjesëmarrjes; përditësojë vlerën e përfitimeve. Ndryshimet nuk do të cenojnë të drejtat e fituara tashmë nga përdoruesit, përveç rasteve kur anulimi ose ndryshimi është i nevojshëm për shkak të mashtrimit, gabimit teknik ose kërkesave ligjore.

Neni 15 — Anulimi

VrapOn mund të anulojë një promocion: në rast mashtrimi; për shkak të gabimeve teknike; për arsye sigurie; për kërkesa ligjore; për arsye të rëndësishme biznesi.

KAPITULLI VIII — PËRGJEGJËSIA

Neni 16 — Kufizimi i Përgjegjësisë

VrapOn nuk mban përgjegjësi për: humbjen e kodeve promocionale për shkak të gabimeve të përdoruesit; skadimin e kodeve sipas kushteve të tyre; probleme teknike të pajisjes ose lidhjes së përdoruesit; përdorimin e paautorizuar të llogarisë nga persona të tretë, kur kjo nuk i atribuohet një shkeljeje të sigurisë nga VrapOn.

Neni 17 — Gabimet Teknike

Në rast gabimesh teknike që çojnë në dhënien aksidentale të përfitimeve promocionale, VrapOn mund të korrigjojë gabimin dhe të rikuperojë përfitimet e dhëna gabimisht, në përputhje me ligjin dhe duke njoftuar përdoruesin.

KAPITULLI IX — PROGRAMI I BESNIKËRISË (LOYALTY PROGRAM)

Neni 18 — Programi i Besnikërisë

VrapOn mund të krijojë një program besnikërie për të shpërblyer përdoruesit aktivë të Platformës. Programi mund të bazohet në: numrin e udhëtimeve të realizuara; shumën totale të shpenzuar; periudhën e përdorimit të Platformës; nivelin e vlerësimeve; pjesëmarrjen në fushata promocionale; kritere të tjera të përcaktuara nga VrapOn. Përfitimet e Programit të Besnikërisë nuk përbëjnë të drejtë pronësore të përdoruesit dhe mund të ndryshohen ose ndërpriten sipas kësaj Politike.

Neni 19 — Nivelet e Programit

VrapOn mund të krijojë nivele të ndryshme të besnikërisë, si p.sh.: Standard; Silver; Gold; Platinum; VIP. Kriteret për secilin nivel publikohen në Platformë dhe mund të ndryshohen në çdo kohë.

Neni 20 — Përfitimet

Përfitimet mund të përfshijnë: zbritje në udhëtime; prioritet në caktimin e shoferëve; kuponë promocionalë; kredi promocionale; oferta nga partnerët tregtarë; akses në shërbime ose funksionalitete të veçanta. Përfitimet janë personale dhe nuk mund të transferohen, shiten ose shkëmbehen me para, përveç rasteve kur VrapOn përcakton ndryshe.

KAPITULLI X — PROMOCIONET PËR KLIENTËT BUSINESS

Neni 21 — Programet Business

VrapOn mund të ofrojë programe promocionale të veçanta për klientët VrapOn Business. Këto mund të përfshijnë: tarifa preferenciale; limite mujore të subvencionuara; kredite për kompanitë; zbritje sezonale; oferta të personalizuara.

Neni 22 — Kushtet

Promocionet Business: mund të jenë subjekt i një kontrate të veçantë; nuk transferohen te individë; mund të kufizohen sipas numrit të punonjësve ose përdorimit; mund të ndërpriten në rast shkeljeje të kontratës ose detyrimeve financiare.

KAPITULLI XI — KUPONËT DHE OFERTAT E PARTNERËVE

Neni 23 — Bashkëpunimet Tregtare

VrapOn mund të bashkëpunojë me banka, institucione financiare, kompani sigurimesh, hotele, restorante, qendra tregtare, organizatorë eventesh ose partnerë të tjerë për ofrimin e promocioneve.

Neni 24 — Përgjegjësia për Ofertat e Partnerëve

Kur një promocion ofrohet nga një partner i tretë, kushtet e tij mund të përcaktohen nga partneri. VrapOn nuk garanton cilësinë, disponueshmërinë ose ekzekutimin e shërbimeve të partnerëve. Çdo mosmarrëveshje që lidhet ekskluzivisht me shërbimin ose produktin e partnerit do të trajtohet sipas kushteve të partnerit, pa cenuar detyrimet që VrapOn mund të ketë sipas ligjit.

KAPITULLI XII — KONKURSET DHE FUSHATAT NË RRJETET SOCIALE

Neni 25 — Organizimi

VrapOn mund të organizojë: konkurse; shorte; lojëra promocionale; fushata në rrjetet sociale; aktivitete marketingu.

Neni 26 — Kushtet e Pjesëmarrjes

Përveç rasteve kur përcaktohet ndryshe, pjesëmarrësit duhet: të kenë një llogari të vlefshme në Platformë; të respektojnë rregullat e fushatës; të mos përdorin mjete automatike; të japin informacion të saktë.

Neni 27 — Përzgjedhja e Fituesve

Nëse fituesit përzgjidhen me short ose sipas kritereve të fushatës: procesi do të zhvillohet sipas rregullave të publikuara; VrapOn mund të kërkojë verifikimin e identitetit përpara dorëzimit të çmimit; VrapOn mund të skualifikojë pjesëmarrësit që kanë shkelur rregullat.

Neni 28 — Çmimet

Çmimet mund të përfshijnë: udhëtime falas; kredite promocionale; kuponë; produkte; shërbime; çmime të ofruara nga partnerët. Çmimet nuk mund të zëvendësohen me para, përveç nëse VrapOn e parashikon shprehimisht këtë.

KAPITULLI XIII — PËRDORIMI I PËRMBAJTJES PROMOCIONALE

Neni 29 — Materialet Promocionale

Me pëlqimin paraprak të përdoruesit, kur kërkohet nga ligji, VrapOn mund të përdorë: fotografi; video; komente; vlerësime; histori suksesi — për qëllime promovuese.

Neni 30 — Pëlqimi

Përdoruesi mund të tërheqë pëlqimin për përdorimin e materialeve të tij në çdo kohë, pa cenuar ligjshmërinë e përdorimit të bërë përpara tërheqjes.

KAPITULLI XIV — AUDITIMI DHE KONTROLLI I PROMOCIONEVE

Neni 31 — Verifikimi

VrapOn rezervon të drejtën të verifikojë çdo përfitim promocional për të konfirmuar se ai është fituar ose përdorur në përputhje me këtë Politikë.

Neni 32 — Korrigjimi i Gabimeve

Në rast të gabimeve teknike, njerëzore ose sistemike që rezultojnë në dhënien e përfitimeve në mënyrë të gabuar, VrapOn mund të: korrigjojë llogaritë e përdoruesve; anulojë kreditet e dhëna gabimisht; rikuperojë përfitimet e marra në kundërshtim me kushtet, në përputhje me ligjin.

KAPITULLI XV — DISPOZITA TË VEÇANTA

Neni 33 — Mungesa e Garancisë

Promocionet dhe ofertat janë vullnetare dhe me kohë të kufizuar. VrapOn nuk garanton se një promocion do të ofrohet përsëri ose do të ketë të njëjtat kushte në të ardhmen.

Neni 34 — Interpretimi

Në rast mospërputhjeje ndërmjet kësaj Politike dhe kushteve të një promocioni specifik, do të zbatohen kushtet e atij promocioni për çështjet që ai rregullon, për aq sa nuk bien në kundërshtim me ligjin ose Termat dhe Kushtet e Përdorimit.

KAPITULLI XVI — DISPOZITA PËRFUNDIMTARE

Neni 35 — Përditësimi i Politikës

VrapOn rezervon të drejtën të ndryshojë këtë Politikë në çdo kohë për të reflektuar: ndryshime ligjore; zhvillime teknologjike; strategji të reja promocionale; praktika të reja kundër mashtrimit. Versioni i përditësuar publikohet në faqen zyrtare dhe hyn në fuqi në datën e përcaktuar.

Neni 36 — Dokumentet e Lidhura

Kjo Politikë duhet të lexohet së bashku me: Termat dhe Kushtet e Përdorimit; Politikën e Privatësisë; Politikën e Cookies; Politikën e Pagesave; Politikën e Rimbursimeve; Politikën Anti-Mashtrim; Kushtet për Shoferët dhe Operatorët.

ANEKSI 7 — KODI I SJELLJES DHE STANDARDET E KOMUNITETIT

KAPITULLI I — DISPOZITA TË PËRGJITHSHME

Neni 1 — Qëllimi

Ky Kod përcakton standardet e sjelljes që zbatohen për të gjithë përdoruesit e Platformës VrapOn. Qëllimi i këtij Kodi është: garantimi i sigurisë; promovimi i respektit reciprok; mbrojtja e dinjitetit të përdoruesve; sigurimi i një mjedisi të besueshëm dhe profesional.

Neni 2 — Fusha e Zbatimit

Ky Kod zbatohet për: Pasagjerët; Shoferët; Operatorët; përdoruesit Business; partnerët; çdo person që përdor Platformën.

Neni 3 — Parimet Themelore

Çdo përdorues duhet të veprojë në përputhje me parimet e: respektit; profesionalizmit; ndershmërisë; bashkëpunimit; sigurisë; mosdiskriminimit; përgjegjshmërisë.

KAPITULLI II — SJELLJA E PASAGJERËVE

Neni 4 — Detyrimet

Pasagjeri duhet: të sillet me respekt ndaj Shoferit; të japë informacion të saktë për vendndodhjen; të mos dëmtojë automjetin; të mos pengojë drejtimin e automjetit; të përdorë rripin e sigurimit kur kjo kërkohet nga ligji; të respektojë ligjin dhe udhëzimet e arsyeshme të Shoferit.

Neni 5 — Sjellja e Ndaluar

Ndalohet: fyerja ose kërcënimi; ngacmimi verbal ose fizik; diskriminimi; përdorimi i dhunës; dëmtimi i automjetit; konsumimi i substancave të ndaluara; transportimi i sendeve të ndaluara ose të rrezikshme.

KAPITULLI III — SJELLJA E SHOFERËVE

Neni 6 — Standardet Profesionale

Shoferi duhet: të jetë i sjellshëm; të respektojë privatësinë e pasagjerëve; të ofrojë ndihmë të arsyeshme gjatë hipjes dhe zbritjes; të mbajë automjetin të pastër dhe në gjendje të mirë; të drejtojë automjetin me kujdes dhe në përputhje me Kodin Rrugor.

Neni 7 — Sjellja e Ndaluar

Shoferi nuk duhet: të kërkojë tarifa shtesë jashtë atyre të përcaktuara; të diskriminojë pasagjerët; të përdorë telefonin në mënyrë që cenon sigurinë gjatë drejtimit; të konsumojë alkool ose substanca narkotike gjatë ofrimit të shërbimit; të kontaktojë pasagjerët për qëllime personale pas përfundimit të udhëtimit.

KAPITULLI IV — MOSDISKRIMINIMI

Neni 8 — Barazia

VrapOn nuk toleron diskriminim mbi bazën e: gjinisë; moshës; aftësisë së kufizuar; racës; origjinës kombëtare ose etnike; gjuhës; bindjeve fetare; ose çdo kriteri tjetër të mbrojtur nga legjislacioni në fuqi.

Neni 9 — Shërbim i Barabartë

Shoferët dhe Operatorët duhet të ofrojnë shërbim në mënyrë të barabartë për të gjithë përdoruesit, përveç rasteve kur ekziston një arsye objektive dhe e ligjshme për refuzimin e udhëtimit.

KAPITULLI V — SIGURIA

Neni 10 — Siguria Gjatë Udhëtimit

Palët duhet të kontribuojnë për një udhëtim të sigurt. Shoferi: respekton rregullat e qarkullimit; kontrollon gjendjen e automjetit; ndalon vetëm në vende të sigurta, kur është e mundur. Pasagjeri: përdor rripin e sigurimit; shmang sjelljet që mund të shpërqendrojnë Shoferin; respekton udhëzimet e arsyeshme që lidhen me sigurinë.

Neni 11 — Situatat Emergjente

Në rast aksidenti, kërcënimi ose situate tjetër emergjente: siguria e personave ka përparësi; palët duhet të kontaktojnë shërbimet kompetente, kur është e nevojshme; ngjarja duhet të raportohet edhe pranë VrapOn sa më shpejt që të jetë e mundur.

KAPITULLI VI — KOMUNIKIMI

Neni 12 — Komunikimi i Lejuar

Komunikimi ndërmjet Shoferit dhe Pasagjerit duhet të kufizohet në çështjet që lidhen me realizimin e udhëtimit.

Neni 13 — Sjellja në Platformë

Ndalohet: përdorimi i gjuhës fyese; dërgimi i mesazheve kërcënuese; shpërndarja e përmbajtjes së papërshtatshme; publikimi i informacionit të rremë; cenimi i privatësisë së përdoruesve të tjerë.

KAPITULLI VII — RAPORTIMI I SHKELJEVE

Neni 14 — Raportimi

Çdo përdorues mund të raportojë: sjellje të papërshtatshme; diskriminim; kërcënime; mashtrime; shkelje të këtij Kodi; incidente sigurie. Raportimet duhet të bëhen me mirëbesim dhe, kur është e mundur, të shoqërohen me informacion ose prova përkatëse.

Neni 15 — Shqyrtimi

VrapOn do të shqyrtojë çdo raportim në mënyrë të paanshme dhe mund të: kërkojë informacion shtesë; kontaktojë palët e përfshira; analizojë të dhënat e disponueshme në Platformë; marrë masat e përshtatshme sipas rastit.

KAPITULLI VIII — MASAT

Neni 16 — Masat Disiplinore

Në rast shkeljeje të këtij Kodi, VrapOn mund të: japë paralajmërim; kufizojë funksionalitete të caktuara të llogarisë; pezullojë përkohësisht llogarinë; mbyllë përfundimisht llogarinë; refuzojë regjistrime të ardhshme, kur kjo justifikohet nga natyra e shkeljes. Masat do të jenë proporcionale me rëndësinë e shkeljes dhe, kur është e mundur, përdoruesi do të njoftohet për arsyet.

Neni 17 — Bashkëpunimi me Autoritetet

Kur ekzistojnë dyshime për shkelje të ligjit ose kur kjo kërkohet nga legjislacioni në fuqi, VrapOn mund të bashkëpunojë me autoritetet kompetente duke dhënë informacion në përputhje me kërkesat ligjore dhe rregullat për mbrojtjen e të dhënave personale.

KAPITULLI IX — DISPOZITA PËRFUNDIMTARE

Neni 18 — Përditësimi

VrapOn mund ta përditësojë këtë Kod për të reflektuar: ndryshime ligjore; praktika të reja të sigurisë; zhvillime teknologjike; përmirësime të standardeve të komunitetit. Versioni i përditësuar publikohet në faqen zyrtare dhe hyn në fuqi në datën e përcaktuar.

Neni 19 — Dokumentet e Lidhura

Ky Kod duhet të lexohet së bashku me: Termat dhe Kushtet e Përdorimit; Politikën e Privatësisë; Politikën e Cookies; Politikën e Pagesave; Politikën e Rimbursimeve; Politikën Anti-Mashtrim; Kushtet për Shoferët dhe Operatorët; Politikën e Promocioneve.